Buorit olbmot, vuoigatvuođaid bealušteaddjit, luonddugáhttejeaddjit ja buohkat! 

Mun ollásit doarjjun nuorra akšunisttaid ja doarjjun maid Fovsen Njaarke boazodolliid.

Doaibmi demokratiijas galgá leat vejolašvuohta čájehit iežas oaiviliid ja maiddái vuostálastit.  Nuorat geat dál lea oljo- ja energiijadepartemeantta (OED) visti feaskáris, dii miellačájehemiin čájehehpet čielgasit vuostehágu mo stáhta joatká rihkkumis olmmošvuoigatvuođaid, eai ge doahttal Alimusrievtti duomu.

Mun ádden din válljejumiid, ja lean giitevaš vuosttaldehpet ráfálaččat ja oadjebasvugiin. Lean giitevaš go vuoruhehpet iežadet sihkkarvuođa, ahte dis lea vuoibmi joatkit dáinna miellačájehemiin, ja doarjubehtet guđet guimmiid. Lea maid buorre diehtit ahte dis lea biebmu.

Mu oainnu mielde, de lehpet dii olahan viidát dáid beivviid.  Mediat beroštit áššis ja lehpet maid beassan háleštit stáhtaráđiin Terje Aaslandain. Lean giitevaš dán dihte,  ja lehpet jálut ja duostilat.

Mus lea čoahkkin stáhtaráđiin Aaslandain duorastaga ja mun vuorddán ahte OED buorebut ráhkkana dál vai min gáibádus ahte olmmošvuoigatvuođa rihkkun ferte bissehuvvot dalán jođánit čuovvuluvvo. Mu mielas galgá stáhta dál bivdit ándagassii dán fasttes dilis go olmmošvuoigatvuođaid rihkkot ja jotket dáinna rihkkumin beaivvis beaivái.

Norgga Alimusrievttis lea celkon historjjálaš ja ovttajienalaš duopmu ja mii vuordit ahte dás leat váikkuhusat dalán!Sámediggepresideantan, de lea mu čielga diehtun ahte Fovsen Njaarke áššis lea áigi vuoiggalašvuođa nannet!