Sámedikki ILO-raporta 2023 guoská áigodahkii geassemánu 1. beaivvis gitta miessemánu 31. beaivái 2023. 

International Labour Organization (ILO) lea ON riikkaidgaskasaš sierraorganisašuvdna bargoeallima várás. ILO konvenšuvdna nr. 169 álgoálbmogiid ja čearddalaš álbmogiid hárrái iešmearrideaddji riikkain mearriduvvui ILO generálakonferánssas geassemánu 20. b. 1989.

Norga raportere ILO-169 birra ILO áššedovdilávdegoddái juohke 5. jagi. 

Loga Norgga 7. raportta ILO:i 2023 (eŋgelasgillii)

Sámediggi raportere njuolga ILO:i ILO-169 birra seamma áigodagas go Norga dahká, ja dát boahtá lassin Norgga raporteremii. Dan duogáš go Sámediggi raportere ILO:i lea ahte Ráđđehus celkkii konvenšuvnna ratifiserema oktavuođas ahte Sámedikkis galgá leat rolla konvenšuvnna goziheamis. Jagis 1996 šihtte ráđđehus ja ILO ahte Sámediggi galggai beassat njuolga gulahallat ILO áššedovdilávdegottiin, ja dan dihte Sámediggi sáhttá ovddidit sierra raporttaid konvenšuvnna dulkojumi ja doahttaleami birra. Ovddit raporteren dahkkojuvvui jagis 2018 ja guoskkai áigodahkii geassemánu 2013 rájes miessemánnui 2018.

Raportta vuođđun lea Sámedikki 2018 raporta. Sámedikki raporta guoská ILO-169 relevánta artihkkaliidda ja ovdanbuktojuvvo áššiid ovdáneami vuođul, ja dan vuođul movt Norga raportere seamma gažaldagaide.

Loga Sámedikki ILO-raportta 2023, áigodahkii geassemánu 1. beavvis 2018 miessemánu 31. beaivái 2023 (PDF, 448 kB)

Loga raportta eŋgelasgillii: The Sámi Parliament's 2023 Report on ILO Convention 169 for the period from 1 June 2018 up to and including 31 May 2023 (PDF, 471 kB)