Dåarjoe orre saemien tjaelijeseabran

Dåarjoe orre saemien tjaelijeseabran

Saemiedigkieraerie lea 250 000 kråvnah dåårjeme seabran Foreninga Samiske Forfattere/Searvi sámi girječálliide.

Maja Kristine Jåma Árvu/Saemiedigkie Vierhtieh edtjieh siebrien gïehtelæmman juhtedh. Siebrie tseegkesovvi 2019 jïh lea ræhpas gaajhkide saemien tjaeliejidie, dovne tjiehpieslidteræære jïh faagelidteræære, saaht mennie gielesne dah tjaelieh. Siebrien ulmie lea saemien tjaelijh jïh saemien lidteratuvrem eevtjedh, Saemien tjaelijesiebrie lea stoerre darjomenjieptjie åtneme eevre tseegkemen raejeste, jïh stoerre lidteræære suerkiem gaptja.

– Manne vihtesjadtem tseegkeme orre tjaelijesiebreste lea gieries lissiehtassine orreme saemien tjaeliejidie, saemiedigkieraerie Maja Kristine Jåma (NSR) jeahta.

Aalkoevåaroeminie ij edtjh gïehtelimmiedåarjoem vedtedh akten seabran mij Saemiedigkien vuajnoen mietie edtja dåarjoem åadtjodh latjkoerååresjimmiej tjirrh Saemiedigkien jïh saemien tjiehpiedæjjaorganisasjovni gaskem. Sjïere fåantoej gaavhtan saemiedigkieraerie 250 000 kråvnah dåårje öörnegen bijjelen Kultuvreråajvarimmie.

– Manne aavone mijjieh buektiehtamme daam tsiehkien seabran Foreninga Samiske Forfattere/Searvi sámi girječálliide loetedh, juktie hoksedh dej leah vierhtieh aelkedh, Jåma jeahta.

Jis gyhtjelassh jallh gihtjehtimmie, gaskesadth saemiedigkieraeriem Maja Kristine Jåma (NSR), mob. +47 472 42 366, maja.kristine.jama@samediggi.no