Saemiedigkie saemien gïelevåhkojne jåarhka, dåeredh datne aaj!

Saemiedigkie saemien gïelevåhkojne jåarhka, dåeredh datne aaj!

Mïerhkh daatojde golken 25. – 31. b. (våhkoe 43) Gïelevåhkose.   

- Gåalmeden jaepien iktemearan edtjebe Gïelevåhkoem heevehtidh. Mijjieh sïjhtebe aerpievuekiem tseegkedh juktie ïedtjem saemien gïeli åvteste evtiedidh, jïh sjollehke vuejnedh ïedtje saemien gïelh våajnoes darjodh læssene jaepeste jaapan, saemiedigkiepresideente Aili Keskitalo (NSR) jeahta. BildeKlikkForStorVersjon 

Ektie noerhtelaanti laavenjostoe

Gïelevåhkoe lea ektie noerhtelaanti laavenjostoe gusnie Nöörjen, Sveerjen jïh Soemen Saemiedigkieh leah skraejriem vaalteme saemien gïelide heevehtidh voengesne, regijonaale jïh nasjonaale. Ulmie saemien gïelevåhkojne lea saemien gïelh våajnoes darjodh stoerreseabradahkesne, voerkesvoetem lissiehtidh saemien gïeli bïjre jïh åtnoem saemien gïelijste lissiehtidh. Saemiedigkie sæjhta saemien gïelh edtjieh vååjnedh jïh govledh gaajhkine seabradahkesuerkine – bovrine, medijinie, ovmessie kultuvreöörneminie jïh sosijaale medijinie. Sae miedigkie haasta dan åvteste privaate jïh byögkeles aktöörh jïh institusjovnh meatan årrodh saemien gïelh våajnoes darjodh gïelelåhkoen.

- Saemien institusjovnh jïh aktöörh mah saemien nuhtjieh jïh saemien våajnoes darjoeh aarkebiejjien leah joekoen vihkele daennie barkosne, jïh mijjieh gegkiestibie doh jeanatjommesh sijhtieh viehkiehtieh mijjen saemien gïelh lutnjedh jïh våajnoes darjodh dovne fysiske öörnemi tjïrrh jïh sosijaale medijinie, Keskitalo jeahta.

Ohtsh dåarjoem Saemiedigkeste

Saemiedigkie almetjidie haasta gïelejarngigujmie jallh jeatjah tjïertigujmie jïh siebriejgujmie sijjen voengesne gaskesadtedh juktie bïeljelidh sijjieh ïedtjem utnieh meatan årrodh gïeleheevehtimmesne våhkoen 43, jallh maehtieh jïjtjh aaj skraejrieh raeriestidh. Organisasjovnh jïh siebrieh maehtieh dåarjoem ohtsedh gïeleråajvarimmide Saemiedigkeste, Gïelevåhkoen sjïekenisnie. BildeKlikkForStorVersjon

- Maahta dan aelhkie årrodh goh buerie båeteme saemien gïelesne tjaeledh dov prïhtjhgåetien ålkolen, jallh maam akt dov nedtesæjroste saemiengïelese jarkoestidh. Voenges plaerie maahta sov åvtesæjroem saemiengïelesne darjodh, jallh maahta gïeleprïhtjhgåetiem öörnedh. Gellie nuepieh dejtie mah sijhtieh meatan årrodh saemien gïelide heevehtidh, saemiedigkiepresideente Aili Keskitalo jeahta.

Vielie bïevnesh Saemiedigkien dåarjoeöörnegen bïjre gaavnh mijjen nedtesæjrojne daesnie.

Govlehtallije aamhtesen bïjre: Saemiedigkiepresideente Aili Keskitalo, tlf: 971 29 305, jallh e-påaste: aili.keskitalo@samediggi.no