Saemiedigkieraerie saemien kultuvrejieledem nænnoste jïh 6,8 millijovnh kråvnah skåårvemedåarjojne vadta institusjovnide jïh festivaalide

Saemiedigkieraerie saemien kultuvrejieledem nænnoste jïh 6,8 millijovnh kråvnah skåårvemedåarjojne vadta institusjovnide jïh festivaalide

Saemiedigkieraerie lea tjåanghkan 6,8 millijovnh kråvnah orrelaakan joekedamme saemien museumidie, kultuvregåetide, duodjiinstituhttese abpe Saepmesne.

– Manne joekoen geerjene Saemiedigkieraerie kultuvreinstitusjovnh abpe Saepmesne nænnoste. Mijjieh daejrebe dej lea stoerre daerpiesvoete, jïh sijhtebe dejtie nuepiem vedtedh skåårvemh darjodh jallh orrestimmiejgujmie nïerhkedh mejtie leah soejkesjamme jallh daarpesjieh, saemiedigkieraerie Maja Kristine Jåma (NSR) jeahta, mij lea tjåadtjoehtæjja kultuvren åvteste.

Biejjienaalkoebæjhkoehtimmien mietie Saemiedigkieraerie sæjhta viehkiehtidh daaletje institusjovnh nænnoestidh, jïh sæjhta dåarjoehtidh saemien festivaalh jïh gaavnedimmiesijjieh edtjieh gorresovvedh jïh evtiesovvedh. Daate lea dåarjoe mij vadtasåvva skåårvemidie ikth, jïh mah sijhtieh hijven nuepiem vedtedh institusjovnide jïjtjemse evtiedidh.

– Kultuvreinstitusjovnh leah vihkele mijjen saemien voenges seabradahkine. Skåårvemevierhtieh viehkiehtieh institusjovnide evtiedidh jïh dejtie ryöjrehtieh sijjen seabradahkestillemem buerebelaakan gorredidh maam Saemiedigkie lea vihtiestamme, saemiedigkieraerie Runar Myrnes Balto (NSR) jeahta, mij lea tjåadtjoehtæjja budsjedten åvteste.

Skåårvemh leah fysiske jïh materijelle skåårvemh goh daekieh, dalhketjh jïh plearoeh jïh ij myövhkes skåårvemh goh maarkedeevtiedimmie jïh maahtoeråajvarimmie. Vierhtieh edtjieh åtnasovvedh voestes bieliejaepien åvtelen 2022.

Tabelle vuelielisnie vuesehte mah institusjovnh mah skåårvemedåarjoem åadtjoeh. Dåarjoe vadtasovveme orre sertieminie vierhtijste mah idtjin åtnasovvh 2021. Sïjhtebe ellies bijjieguvviem rætnoe bæjhkoehtidh: