Tjoeperde vaenie dåarjoeohtsemijstie dejtie unnemes saemien gïelijste

Tjoeperde vaenie dåarjoeohtsemijstie dejtie unnemes saemien gïelijste

Saemiedigkien jaepiebïevnese vaenie ohtsemh åarjel-, julev-, pijte- jïh upmejesaemien gïeledajvijste vuesehte dåarjoeöörnegasse Dåarjoe saemien gïeleprosjektide. Saemiedigkieraerie Mikkel Eskil Mikkelsen (NSR) evtiedimmeste tjoeperde jïh sæjhta jienebh edtjieh ohtsedh.

– Ibie daejrieh man åvteste dan vaenie ohtsemh båetieh, men koronapandemije maahta akte fåantoe årrodh, Mikkelsen jeahta. Dïhte veanhta jeatjah fåantoe aaj maahta årrodh pijte- jïh upmejesaemien gïeleseminaare jïh åarjel- jïh julevsaemien lïerehtimmiekonferanse maam Saemiedigkie edtji öörnedh, idtjin læjhkan öörnesovvh, koronapandemijen gaavhtan. BildeKlikkForStorVersjonSaemiedigkieraerie Mikkel Eskil Mikkelsen (NSR) Kenneth Hætta  

– Lij akte areena mijjese orreme daam suerkiem gaavnedidh, gusnie gaskem jeatjah limh maahteme daejtie aktööride haestedh vierhtieh ohtsedh, Mikkelsen jeahta.

Ulmie dåarjoeöörneginie Dåarjoe saemien gïeleprosjektide lea årrojh nuepiem utnieh saemien lïeredh jïh gïelem eevtjedh. Gåarede dåarjoem åadtjodh juktie saemiengïeleldh applikasjovnh jïh spïelh darjodh, jallh dagkerh saemiengielese jarkoestidh, saemienkuvsjh geerve almetjidie hööltedh, saemien sijjienommh tjöönghkedh jïh dej bïjre bievnedh, digitaale baakoegærjah darjodh saemien gïelesne jïh saemien gïeleråajvarimmide. Orre prioriteeth daan jaepien daan dåarjoeöörnegasse leah saemiengïeleldh digitaale areenah maanide jïh noeride, goh e-sporte jïh sosijaale medijh.

Maahta geerve sjïdtedh fysiske öörnemh tjïrrehtidh daan jaepien koronapandemijen gaavhtan, men gåarede aaj dåarjoem ohtsedh nedteöörnemidie jallh unnebe öörnemidie. Vihkielommes lea saemien gïelh eevtjedh.

Saemiedigkieraerie veanhta Saemiedigkie tjuara væjkalåbpoe sjïdtedh nuepiej bïjre bievnedh mah Saemiedigkesne gååvnesieh.

– Dan åvteste daelie haestebe jienebh ohtsedieh. Jis juerie jallh gyhtjelassh man akt bïjre gaskesadtede maaje Saemiedigkine. Mijjieh riejries bïhkedidh. Ulmie lea aktöörh mah gaskesedtieh edtjieh sijjen barkosne lyhkesidh, Mikkelsen jeahta.

Daan jaepien golme ohtsememierieh öörnegasse Dåarjoe saemien gïeleprosjektide, njoktjen 1. b., suehpeden 15.b. jïh  skïereden 1.b.

Jis gihtjehtimmie jallh gyhtjelassh, gaskesadth saemiedigkieraerien Mikkel Eskil Mikkelsen (NSR), tell. +47 917 42 161, mikkel.eskil.mikkelsen@samediggi.no.

Bijjieguvvine dej prosjekti bijjeli mah dåarjoem åadtjoejin dæjman dåarjoeöörnegisnie Dåarjoe saemien gïeleprosjektide:

BildeKlikkForStorVersjon