Hálddahuslaš ráhkadus
Hálddahus lea sámediggeráđi čađaheaddji orgána. Váldohálddahus lea Kárášjogas, ja Sámedikkis leat oktiibuot ovcci kánturbáikki Finnmárkkus ja Romssas, Nordlánddas ja Trøndelágas. Hálddahusa jođiha direktevra, ja das leat guhtta fágaossodaga ja oktiibuot sullii 150 jahkedoaimma. Fágaossodagat meannudit áššiid ja fállet bálvalusaid sihke politihkalaš eiseválddiide ja olbmuide.
Loga artihkkala Sámedikki kánturbáikkiid birra
Hálddahusas leat earret eará dát rollat:
- Sámedikki parlameantahálddašeapmi
- Ráhkkanahttit hálddašanáššiid sámediggeráđđái ja Sámedikki dievasčoahkkimii
- Sámediggeráđi politihkalaš čállingoddi
- Doarjagiid meannudeapmi
- Kulturmuitolága, oahpahuslága ja báikenammalága hálddašanorgána
Fágaossodagat
Sámedikkis leat fágaossodagat main lea ovddasvástádus politihka hábmemis ja hálddašandoaimmain iešguđege váikkuhangaskaoapmesurggiid siskkobealde bušeahtas.
Sámedikki politihkalaš čállingotti direktevra
Rávdná Buljo Gaup
78 47 41 53,
416 45 739
Sámedikki politihkalaš čállingoddi
Sámedikki politihkalaš čállingoddi galgá láhčit, gozihit ja bajásdoallat áššejođu iešguđet fágaossodagaid gaskkas ja hálddahusllaš ja poltihkalaš ovttadagaid gaskkas.
Čállingoddi galgá áimmahuššat Sámedikki parlamentáralaš doaimma, ja plánet lávdegodde- ja dievasčoahkkimiid. Čállingottis lea maid áššemeannudanovddasvástádus Sámedikki válgajienastuslohkui ja organisere Sámedikki rahpama.
Politihkalaš čállingotti jođiha ossodatdirektevra, ja ossodagas leat guokte juhkosa:
- Politihkalaš ovttastahttin- ja láhčinjuogus
- Dokumentašuvdna- ja parlameantahálddašanjuogus
Ossodat hálddaša njeallje ohcanvuđot doarjaga.
Bajásšaddan- ja oahpahusossodaga direktevra
Lisbeth Eira
78 48 42 09,
915 16 723
Bajásšaddan- ja oahpahusossodat
Bajásšaddan- ja oahpahusossodagas lea ovddasvástádus ossodaga ovddasvástádussuorggi politihkkaovddideamis ja hálddaša váikkuhangaskaomiid mánáidgárddi, vuođđooahpahusa ja alit oahpu surggiin.
Bajásšaddan- ja oahpahusossodat hálddaša 3 njuolggodoarjaga ja 7 ohcanvuđot doarjaga.
Bajásšaddan- ja oahpahusossodat lea juhkkojuvvon golmma juhkosii ja dat leat:
- Mánáidgárddi juogus
- Vuođđooahpahusa juogus
- Alit oahpu ja dutkama juogus
Ealáhus-, kultur- ja dearvvašvuođa-ossodaga direktevra
Magne Svineng
78 47 41 57,
915 42 098
Ealáhus-, kultur- ja dearvvašvuođaossodat
Ealáhus-, kultur- ja dearvvašvuođaossodagas lea ovddasvástádus politihkkaovddideamis ossodaga politihkkasuorggis, ja hálddaša váikkuhangaskaomiid ealáhusa, kultuvrra ja dearvvašvuođa surggiin.
Ealáhus -, kultur- ja dearvvašvuođaossodat hálddaša 17 njuolggodoarjaga ja 15 ohcanvuđot doarjaga.
Ealáhus-, kultur- ja dearvvašvuođaossodat lea juhkkojuvvon njealji juhkosii ja dat leat:
- Ealáhusjuogus
- Kulturjuogus
- Dearvvašvuođa- ja sosiálajuogus
- Girjerájusjuogus
Giellaossodat
Giellaossodagas lea ovddasvástádus politihka hábmemis ossodaga ovddasvástádussurggiin, ja hálddaša váikkuhangaskaomiid giellasuorggis, ovttasbargošiehtadusaid ja eará doaibmabijuid.
Giellaossodat hálddaša golbma njuolggodoarjaga ja vihtta ohcanvuđot doarjaga.
Giellaossodagas leat golbma juhkosa ja dat leat:
- Báikenamma ja gielladikšunjuogus
- Giellahálddašan- ja politihkajuogus
- Terminologiijajuogus
Kulturmuito-, areála- ja birasossodaga sadjásaš direktevra
Sten Olav Heahtta
78 48 42 24,
906 77 860
Kulturmuito-, areála- ja birasossodat
Sámedikkis lea ovddasvástádus kulturmuitosuodjaleames, areála- ja resursahálddašeames ja barggus sámi álbmoga vuhtii váldimis ja mandáhta lea dan vuođul. Beaivválaš barggus lea ovddasvástádus maiddái iešguđege lágain fágasuorggi siskkobealde, muhto plána- ja huksenláhka lea guovddáš láhka dás.
Kulturmuitosuodjalan-, areála- ja birasossodat hálddaša guokte ohcanvuđot doarjjaortnega.
Kulturmuitosuodjalan-, areála- ja birasossodagas leat golbma juhkosa ja dat leat:
- Areála- ja birasjuogus
- Sámi kulturárbbi juogus
Vuoigatvuođa- ja riikkaidgaskasaš-ossodaga direktevra
Hege Fjellheim
78 47 40 47,
994 59 211
Vuoigatvuođa- ja riikkaidgaskasašossodat
Vuoigatvuođa- ja riikkaidgaskasaš ossodagas lea ovddasvástádus politihka hábmemis ossodaga ovddasvástádussurggiid siskkobealde, muhto veahkeha eará ossodagaid buot fágasurggiin. Ossodagas lea ovddasvástádus konsultašuvdnašiehtadusas ja bagadusas dan oktavuođas. Ossodat hálddaša váikkuhangaskaomiid vuoigatvuođa ja riikkaidgaskasaš áššesurggiin.
Vuoigatvuođaid ja riikkaidgaskasaš áššiid ossodat hálddaša golbma njuolggodoarjaga ja ovtta ohcanvuđot doarjaga.
Vuoigatvuođaid ja riikkaidgaskasaš áššiid ossodagas lea guokte juhkosa ja dat leat:
- Vuoigatvuođa juogus
- Riikkaidgaskasaš áššiid juogus
Lassin fágaossodagaide leat Sámedikkis čuovvovaš hálddahuslaš ovttadagat:
Direktevrra stába
Direktevrra stába lea direktevrra doarjjadoaibma ja čuovvula áššiid maid direktevra dahje jođiheaddjijoavku leat vuolggahan.
Direktevra ja direktevrra stába ii hálddaš oppanassiige doarjagiid.
Hálddahusossodat
Hálddahusossodaga váldoovddasvástádus lea fállat buriid ja kvalitatiivvalaš bálvalusaid ja dasto láhčit diliid nu ahte politihkalaš ja hálddahuslaš dássi sáhttá bargat barggus buoremus vejolaš vuogi mielde. Ossodagas lea maiddái ovddasvástádus fágasurggiid siskkobealde nugo HR ja bálká, dihtorbálvalus ja doaibma, sihkarvuohta, ekonomiija ja bušeahtta.
Hálddahusossodagas leat njeallje juhkosa ja dat leat:
- Juogus DGT ja doaimma várás
- HR-juogus
- Ekonomiija- ja bálkájuogus
- Bušeahtta- ja ovttastahttinjuogus
Magne Svineng, ealáhus-, kultur- ja dearvvašvuođaossodat, 78 47 41 57, 915 42 098
Hege Schanche, sadjásaš juogusjođiheaddji, 78 47 41 04, 457 32 726
Gulahallanstába
Gulahallanstábas lea ovddasvástádus diehtojuohkin- ja gulahallandoaimmas Sámedikkis.