Fuom: Jus don leat vuollel 18 jagi boaris, de galgá ohcan sáddejuvvot du váhnema/ovddasteaddji "ID-porten" bokte.

Ohcanáigemearri

• 22.03.25 dii. 15.30.

Ohcamat mat leat sáddejuvvon dán dáhtona maŋŋel eai meannuduvvo.

Ohccit fertejit logget sisa ID-porten bokte.

Ohcanskovvi (gáibida sisaloggema)

Dán ortnega njuolggadusat

1 Doargaortnega mihttomearri ja vuoruheamit

1.1 Stipeanda ortnega mihttomearri

• Joatkkaskuvllaoahppit geain lea sámegiella fágasuorggis.

1.2 Vuoruheamit

• Joatkkaskuvlaoahppit čađahit sámegieloahppu.
• Privatisttat geat váldet eksámena sámegielas joatkkaskuvla dásis.

1.3 Ulbmilolahusa eavttut

• Stipeandaoažžu lea čađahan sámegieloahppu juolluduvvon stipeandda ektui.

2 Ohcama hápmi ja sisdoallu

2.1 Stipeandaoažžu/Gii sáhttá ohcat

• Oahppit geain lea vuosttaš, nubbi dahje vierrogiella oahppu joatkkaskuvllas.
• Oahppit joatkkaskuvlaoahpahusas geain lea sámegiella juogo vuosttašgiellan, nubbingiellan dahje vierrogiellan gáiddusoahppun.
• Olbmot geat váldet eksámena sámegielas privatistan joatkkaskuvllas.
• Oahppit priváhta joatkkaskuvllain geat lea sámegieloahpahus privatistan eará bákkolaš giellafága sajis sáhttet ohcat stipeandda juohke jahkái.
• Olbmot geat leat norgga stáhtaborgárat, dahje geain lea riekti registreret iežaset norgga stáhtaborgárin ja leat čadnon almmolaš dohkkehuvvon oahppobáikái Ruoŧas dahje Suomas masa lea riekti oažžut Statens lånekasse for utdanning (Stáhta oahppoloatnakássa) doarjaga Norggas.
• Studeanttat geat eai leat Norgga álbmotregistaris, muhto čađahit joatkkaskuvlla oahppu ja lea sámegieloahppu.

2.2 Ohcanáigemearri

• Sámediggeráđđi mearrida ohcanáigemeari.

2.3 Gáibádus ohcamii

• Sámedikki doarjjaportála galgá geavahuvvot go sádde ohcama. Ohcciide geat leat vuolábeale 18 ferte ovddasteaddji ohcat oahppi ovddas sámediggedoarjjaportála bokte.
• Ohcamat mat eai ollašuhte ohcaneavttuid hilgojuvvojit.
• Ferte bidjat mielddusin duođaštusa oahppobáikkis ahte ohcci lea ollesággi oahppi dahje oasseáiggi oahppi geas lea leamaš ja ain lea oahpahusa sámegielas vuosttašgiellan, nubbingiellan dahje vierrogiellan. Duođaštus lea dohkálaš oahppobáikki steampaliin ja vuolláičállagiin.
• Priváhta joatkkaskuvllaid oahppit fertejit sáddet duođaštusa ahte sis lea oahpahusa sámegielas privatistan dan sadjá go eará bákkolaš giellafágas.
• Privatisttat fertejit sáddet duođaštusa dieđiheamis eksámenii.
• Oahppit geat leat čadnon almmolaš dohkkehuvvon oahppobáikái Ruoŧas dahje Suomas fertejit dasa lassin sáddet dieđuid fágaoahppis guđe dássái oahpahus vástida Sámedikki njuolggadusaid ektui; sámegiella vuosttašgiellan, nubbingiellan dahje vierrogiellan.

2.4 Eavttut ohccái

• Olbmot geat ožžot stipeandda, fertejit leat oahppit almmolaš oahppobáikkis Norggas, dohkkehuvvon Statens lånekasse for utdanning (Stáhta oahppoloatnakássa) oahppodoarjaga oažžut Norggas. Spiehkastat leat oahppit geat eai leat Norgga álbmotregistaris, muhto dát oahppit fertejit leat oahppit almmolaš dohkkehuvvon oahppobáikkis Norggas.
• Ohccit geat leat čadnon almmolaš dohkkehuvvon oahppobáikái Ruoŧas dahje Suomas fertejit leat norgga stáhtaborgárat, dahje sis ferte leat riekti registreret iežaset norgga stáhtaborgárin ja riekti oažžut Statens lånekasse for utdanning (Stáhta oahppoloatnakássa) doarjaga Norggas.
• Privatisttat fertejit sáddet duođaštusa čađahuvvon sámegiel eksámenis.
• Ohcci gii ii leat Norgga álbmotregistaris muhto ferte buktit čuovvovaš duođaštusa ovdal go stipeanda sáhttá addojuvvot; pássanummar, namma ja adreassa, guoskevaš olbmo báŋkku namma ja čujuhus, Iban- ja Swiftnummar.

3 Ohcamiid meannudeapmi

3.1 Ohcamiid meannudeapmi

• Ohcamat mat eai deavdde ohcaneavttuid sáhttit ohcat hilgojuvvojit.
• Ohcamat meannuduvvojit dađistaga ja golmma mánus sisa dán rájes go ohcan lea joavdan.
• Sámediggi sáhttá jearrat eanet duođaštusaid dahje gohččut čielggadanságastallamii.

3.2 Biehttaleapmi

• Doarjjaohcamuš sáhttá dasa lassin biehttaluvvot jus:
  • Ohcan ii deavdde juolludaneavttuid, vuoruhemiid ja/dahje ortnega ulbmila.
  • Ohcamis váilot gáibiduvvon dieđut.

3.3 Eavttut stipeandaoažžui

• Stipeandaoažžu galgá čađahit sámegieloahppu dan gielladássái masa stipeanda lea juolluduvvon.

3.4 Eksámena čađaheami áigemearri

• Eksámen oahpus masa lea mieđihuvvon stipeanda, galgá čađahuvvot dan lohkanbajis go stipeanda lea juolluduvvon.
• Earenoamáš ákkaid vuođul sáhttá stipeandaoažžu ohcat guhkiduvvon áigemeari čađahit eksámena. Ohcan galgá vuođustuvvot, ja sáddejuvvot ovdal eksámendáhtona mii boahtá ovdan ohcamis.

3.5 Rievdadusat stipeandaeavttuin

• Maŋŋá go stipeanda lea juolluduvvon, de lea stipeandaoažžus alddis geatnegasvuohta dieđihit jus stipeandda eavttut rivdet.

3.6 Máksineavttut

• Stipeanda máksojuvvo ollásit dalle go mearrádus lea dahkkon.
• Stipeanda priváhta joatkkaskuvlla ohppiide máksojuvvo ollásit jahkásaččat go mearrádus lea dahkkon. Stipeanda eará privatisttaide máksojuvvo ollásit maŋŋil go duođaštus ahte eksámen sámegielas lea čađahuvvon lea sáddejuvvon Sámediggái.
• Jus ohcci ovdal lea ožžon stipeandda/doarjaga Sámedikkis ja eavttut mat gusket stipendii/doarjagii eai leat ollašuhttojuvvon, de sáhttá dat mielddisbuktit ahte máksin bissehuvvo dassážiigo rihkkumuš lea nohkan.

4 Meroštallannjuolggadusat

4.1 Meroštallannjuolggadusat

• Sámediggi háliida ahte eanebut galget válljet, ja čađahit sámegieloahpahusa vuosttašgiellan, ja vuoruha danne vuosttašgielagiid alimus stipeandamáksomeriin.
• Stipeanda juhkkojuvvo:
  • 15 000 ru ohppiide geain lea sámegiella vuosttasgiellan.
  • 7 000 ru ohppiide geain lea sámegiella nubbingiellan. – Sámegiella 2.
  • 4 000 ru ohppiide geain lea sámegiella nubbingiellan - Sámegiella 3 dahje Sámegiella 4.
  • 4 000 ru ohppiide geain lea sámegiella vierrogiellan.

5 Raporteren

5.1 Bearráigeahččan ja čuovvoleapmi

• Sámediggi sáhttá bearráigeahččat geavahuvvojit go ruđat eavttuid mielde.
• Sámediggi sáhttá bivdit eanet dieđuid. Dat gustojit dieđuide mat adnojit statistihkkii ja eará raporteremii.

5.2 Stipeanda ruovttoluottamáksin ja sihkkun

• Sámediggi sáhttá gáibidit stipeandda máksojuvvon ollásit ruovttoluotta jus oahppi ii čađat skuvlajagi sámegieloahpahusain.
• Sámediggi sáhttá geassit stipeandalohpádusa ruovttoluotta, doallat stipeanda olggosmáksima dahje gáibidit stipeanda máksot ruovttoluotta jus:
  • Stipeandaoažžu lea rihkkon dieđihangeatnegasvuođa.
  • Stipeanda ii geavahuvvo juolludusa ulbmila ja eavttuid mielde mat bohtet ovdan juolludusreivves.
  • Stipeandaoažžu lea rihkkon njuolggadusaid dán mearrádusas.
• Jos doarjjaoažžu dákkár oktavuođain ii mávsse ruovttoluotta, de sáhttá Sámediggi rievtti bokte gáibidit máksojuvvot dan mii lea buorrin. Jos ruđat eai máksojuvvo ruovttoluotta dan áigemeari sisa mii lea biddjojuvvon, de sáhttá gáibidit maŋŋoneami ovddas reanttuid vel lassin, gč. juovlamánu 17. b. 1976 mannosaš lága nr. 100 reanttuid birra maŋŋonan máksima oktavuođas jna.

Stipeanddaid duođašteapmi - 2025 (DOCX, 14 kB)