Doarjjo industrijjaåvddånimev Ájluovtan

Doarjjo industrijjaåvddånimev Ájluovtan

Sámedikkeráde juollot 500 000 kr doarjjan ásadittjat Pro Pack Container AS Ájluovtan Hábmera suohkanin.

Pro Pack Containar AS galggá buvtadit fiberdudnojt The Quartz Corp AS’aj (TQC) guhti buvtat rájnna slieŋakgiergev Ájluovtan. TQC oasstá uddni fiberdudnojt USA’as, mij la divras ja hásstalus gå le nav guhkás gaskan.

Sámedikkeráde Silje Karine Muotka (NSR) la riek dudálasj gå Sámedikke máhttá oasev válldet dårja baktu dán industrijjaåvddånibmáj Ájluovtan.

– Pro Pack Container AS ásadusá baktu sjaddá TQC oasstet fiberdudnojt bájkálasj buvtadiddjes. Dát laset Hábmera árvvoháhkuhimev, gå fiberdudno buvtaduvvi bájkálattjat ienni gå USA’an, javlla sámedikkeráde Silje Karine Muotka.

Pro Pack Container AS ásat máhtudakbarggosajijt Hábmera suohkanin, ja Muotka mielas la ásadibme riek ájnas æládusiellemij ja sebrudakåvddånahttemij suohkanin.

– Ietjá ruhtadibme le sajenis, ja mij lip riek ávon gå Sámedigge máhttá dårja baktu oassálasstet nav vaj prosjækta ållåsit ruhtaduvvá, låhpat Muotka.

Doarjja vatteduvvá doarjjasjiehtadusá Moattebelak æládusá baktu, dat la mijá vuorodimij milta. Dá jage vuoroduvvi dåjma massta båhtusa sjaddi ådådahko ja vidnudakåvddånibme, ja dåjma ma nanni æládusájt massta båhtusa sjaddi ruhtalassánibme, virgádibme ja viesátlassánibme

Gatjálvisá jali ságájdahttem, guládalá sámedikkerádijn Silje Karine Muotka (NSR), mob. +47 984 87 576, silje.karine.muotka@samediggi.no