Mårås gallegasj doarjjaåhtsåmusájs unnemus sámegielajn

Mårås gallegasj doarjjaåhtsåmusájs unnemus sámegielajn

Sámedikke jahkediedádus vuoset la gallegasj åhttse oarjjel-, julev-, bihtám- ja ubbmemsáme guovlojs doarjjaårdnigij Doarjja giellaprosjevtajda. Sámedikkeráde Mikkel Eskil Mikkelsen (NSR) mårås dieles ja sávat ienebu lulun åtsåt.

– Mij ep diede siváv manen nav gallegattja åhtsi, valla koronadávdda máhttá liehket akta sivájs, javlla Mikkelsen. Sån aj jáhkká la aktijvuohta bihtám- ja ubbmemsáme giellaseminárra ja oarjjel- ja julevsáme åhpaduskonferánssa, majt Sámedigge galgaluluj dålat dijmmá, dajs ittjij sjaddi mige koronadávda diehti.BildeKlikkForStorVersjonSámedikkeráde Mikkel Eskil Mikkelsen (NSR) Kenneth Hætta  

– Dat li liehket ariená midjij dejvadittjat suorgev, gånnå aj máhtijma hasodit akterajt åtsåt doarjjarudájt, javllá Mikkelsen

Ulmme doarjjaårdnigijn Doarjja sáme giellaprosjevtajda la álmmugij látjet máhttelisvuodav oahppat ja åvdedit gielav. La máhttelis oadtjot dårjav duola dagu buvtadit sámegielapplikasjåvnåjt ja spelajt jali jårggålit dajt sámegiellaj, dålat giellakursajt ållessjattugijda, tjoahkkit jali vuosádallat sámebájkkenamájt, dahkat digitála báhkogirjijt sámegiellaj ja sáme gielladåjmajda. Ådå vuorodibme dá jage dan dårjaårdnigin la digitála ariená mánájda ja nuorajda, duola dagu e-spårttå jali sosiála medijá.

Soajttá la gássjel dålat rubbmelasj dålajt dá jage koronadávda diehti, valla la aj máhttelis åtsåt dårjav næhttadålajda jali unnep dålajda. Ájnnasamos la sámegiella åvdedibme.  

Sámedikkeráde mielas bierri Sámedigge sjaddat smidábu ilmodit máhttelisvuodajt ma li Sámedikken.

– Dan diehti mij dálla hasodip åtsijt åtsåtjit. Jus soajttá iehpesihkarvuohta ja gatjálvisá, guládallit Sámedikkijn. Mij lip gárvvása bagádittjat. Ulmme le jut akterra ma válldi aktijvuodav galggi vuorbástuvvat bargujnisá, javlla Mikkelsen.

Dá jage li gålmmå åhtsåmájggemiere Doarjja sáme giellaprosjevtajda, snjuktjamáno 1., moarmesmáno 15., ragátmáno 1. biejve.  

Ságájdahttem jali gatjálvisá, guládalá sámedikkerádijn Mikkel Eskil Mikkelsen (NSR), tlf. +47 917 42 161, mikkel.eskil.mikkelsen@samediggi.no.

Gehtja gåvåv mij gåvåstahttá makkir prosjevta oadtjun dårjav dijmmá doarjjoårdniga Doarjja giellaprosjevtajda baktu:

BildeKlikkForStorVersjon