Reerenassen europapolitihkeles forume

Europapolitihkeles forume lea gaavnedimmiesijjie staateles, regijionaale jïh voenges åejvieladtjide jïh Saemiedægkan gusnie gaskesedtieh jïh daajroem juekieh EØS:n jïh EU:n bïjre. Gaskesadtemen tjïrrh europapolitihkeles aamhtesi jïh gyhtjelassi bïjre forume edtja viehkine årrodh koordineeredh staateles, regijonaale jïh voenges daltesi gaskem.

Forume lea gaavnedimmiesijjie departemeenti gaskem politihkeles daltesisnie (staatetjaelijedaltese) jïh almetjeveeljeldh almetjh fylhkentjïeltijste (fylhkenåejvie/- raerieåvtehkh laantebielielaavenjostoej tjïrrh), tjïelth (KS:n åejvieståvroen tjïrrh) jïh Saemiedigkie. Saemiedigkie göökte lïhtsegh nammohte, sæjjasadtjigujmie.

Forume gaavnede göökth jaepien, jïh Ålkoerïjhkedepartemeente jïh Tjïelte- jïh orrestimmiedepartemeente staatetjaelijedaltesisnie dam ektesne stuvrieh.

Ulmieh

  • Forume edtja areenine årrodh politihkeles gaskesadtemasse sjyöhtehke jïh sjiehteles europapolitihkeles aamhtesi bïjre reeremedaltesi gaskem
  • Forume edtja kanaaline årrodh juktie reerenassen europapolitihkem tjïeltesuarkan jïh Saemiedægkan gårredidh.
  • Forume edtja kanaaline årrodh lahtesidie reerenassese vihkeles europapolitihkeles suerkine tjïeltesuarkan jïh Saemiedægkan.
  • Forume edtja aaj areenine årrodh bïevnesejuekiemasse vaeljehke aamhtesi bïjre.

Lohkh vielie Reerenassen europapolitihkeles forumen bïjre

Saemiedigkieraerie lea daejtie lïhtsegidie nammoehtamme reerenassen europapolitihkeles forumasse boelhken 2021-2025:

Kristin Sara, saemiedigkietjirkije NSR, Persovneles sæjjasadtje; Helén Storelv-Rabone, saemiedigkietjirkije NSR.

Ulf Tore Johansen, saemiedigkietjirkije Nordkalottfolket, Persovneles sæjjasadtje; Sylvi Pedersen Vatne, saemiedigkietjirkije Nordkalottfolket.

ArtikkelPublisertDatoFront 15.12.2021 09.06
SistEndret 06.01.2023 13.24