Dåeriedidie mijjen "drop-in" vuesiehtimmine bïjre jarkan Saemiedigkesne Kárášjohkesne ts. 13 dæjstaj, gaskevåhkoej jïh duarstaj, men ij gosse Saemiedigkien lea stoerretjåanghkoe.

Stoerretjåanghkoeh 2024:

Våhkoe 10: njoktjen 5. - 8.
Våhkoe 23: ruffien 11. - 14.
Våhkoe 39: skïereden 25. -27.
Våhkoe 49: goeven 3. - 6.

Gïelh mah vuesiehtimmine åtnasuvvieh leah nöörjen, saemien jïh eengelske gïele. Fïerhte vuesiehtimmie vaasa medtie 30 minudth. Jeenjemes 25 almetjh maehtieh meatan årrodh aktene dåehkesne. Vuesiehtimmieh namhtah.

Lohkh aaj: Sametingets arkitektur
Lohkh aaj: Kunsten på Sametinget

Sjïehtedamme faalenasse dåehkide

Mijjieh sjïehtedamme vuesiehtimmieh, åenehks håalomigujmie Saemiedigkien, saemiepolitihken jallh jeatjah sjiehteles teemaj bïjre faalehtibie skuvlelearoehkidie jïh - klaasside noeredaltesisnie jïh jåarhkeskuvline, siebride, institusjovnide jïh meedijasse. Mijjieh fïerhten aejkien faalenassem sjïehtedibie reeremen barkoefaamose jih dejtie politihkeles darjoemidie gåetesne.

Gaskesadth Saemiedigkine jis dov leah sjïere daerpiesvoeth. 

Ræhpas tjåanghkoeh

Tjåanghkoeh Saemiedigkien stoerretjåanghkosne jïh moenehtsinie leah ræhpas goltelæjjide. Stoerretjåanghkoe jïh moenehtsh fïereguhte ovrehte njieljie tjåanghkoeh åtna fïerhten jaepien. Gosse tjåanghkoeh dellie Saemiedigkien byöpmedssijjie aaj ræhpas guesside.

Saemiedigkien gærjagåetie

Saemiedigkien gærjagåetie lohkemesijjiejgujmie lea ræhpas ts. 09.00 – 15.30 jïh gaajhkesh dovnesh maehtieh dam nuhtjedh.

Lohkh vielie: Saemiedigkien gærjagåetie

Saemiedigkien kontovresijjieh

Lissine saemiedigkiegåatan Kárášjohkesne Saemiedigkien leah gaektsie kontovresijjieh.

Lohkh vielie Saemiedigkien kontovresijjiej bïjre

Guessiesijjie

Ávjovárgeaidnu 50, Karasjok