Laavenjostoe sïeltine Walt Disney Animation Studios Giesien 2019 Saemiedigkie bæjhkoehti Nöörjen, Sveerjen jïh Soemen saemiedigkieh Saemieraerine ektine leah laavenjosteme aktine dejstie veartenen stööremes medijesïeltijste, Walt Disney Animation Studios. Goh bielie laavenjostoste Disney Animation jïjtjemse åeliedi noerhtesaemien versjovnem darjodh stoerrefilmeste Frozen 2. Goevten maanah abpe Saepmesne meehtin filmem Jikŋon 2 kinovisnie vuejnedh noerhtesaemien gïeline. Saemien Parlamentarihkeles Raerien presideentedåehkie leah laavenjostosne Saemieraerine stillemem SPR:n stoerretjåanghkoste tjïelkestahteme juktie laavenjostoem Walt Disney-sïeltine tseegkedh eaktoej bïjre åtnoste saemien kultuvrese mij edtji gaagnine årrodh jïjtse maarkedebuektiemasse. Laavenjostoe aktööri gaskem tseegkesovvi jïh snjaltjen 2019 saemiedigkieh jïh Saemieraerie saarnoejin akte noerhtesaemien versjovne edtji filmeste Frozen 2 dorjesovvedh, goh illedahke laavenjostoste Saepmien jïh Walt Disney Animation Studiosen gaskem. Saemiedigkiej jïh Saemieraerien gaavhtan lea vihkeles orreme gorredidh saemien kultuvre mij skraejrine orreme filmesjugniedæjjide filmen duekesne Frozen 2, gïetesåvva ååkteminie jïh jååhkesjimmine Dan åvteste saemien tjiehpijedåehkie tseegkesovvi juktie filmesjugniedæjjide viehkiehtidh saemien kultuvresne, histovrijisnie, reaktine jïh seabradahkejieliedisnie gaavnedh mearan filmine barkin. Saemien barkoedåehkie nommem “Verddet” åadtjoeji. Verddet-dåehkesne Karen Anne Buljo, Veli-Pekka Lehtole, Cecilia Persson, Piia Nuorgam, Christina Hætta jïh Anne Lajla Utsi. Lohkh latjkoem sïeltine Walt Disney Animation Studios (englaantengïelesne): Agreement between Walt Disney Animation Studios and the Sámi people (PDF, 8 MB) Lohkh aaj: Laavenjostoe sïeltine Walt Disney Animation Studios lissiekonsekvensh vadta Saapman.