Gïelelutnjemebaalhka

Saemiedigkie sæjhta tsåatskelesvoetem naakenidie vedtedh mij saemien gïelem/saemien gïelh hijvenlaakan nuhtjie jïh vååjnedahta.

Voestes aejkien Saemiedigkie baalhkam naakenidie vedti lij 2019. Saemiedigkien gïelelutnjemebaalhka vadtasåvva fïerhten jaepien akten almetjasse/dåahkan/gïehtelæmman/organisasjovnese mij saemien gïelem/saemien gïelh hijvenlaakan nuhtjie jïh vååjnedahta. Baalhka ij vadtasovvh dej jaepiej gïeleskreejremebaalhka vadtasåvva, amma fïerhten njealjeden jaepien.

Baalhka lea 30 000 kråvnah jïh tjeahpoediplome,

Byögkelelsvoete nuepiem åådtje vitnijh baalhkeste raeriestidh åenehks buerkiestimmine man åvteste dïhte lea vyörtegs baalhkam åadtjodh. Saemiedigkieraerien lïhtsegh jallh Saemiedigkien reereme ij maehtieh baalhkam åadtjodh. Saemiedigkieraerie vitnijem baalhkeste muana jïh dam joekede Gïelevåhkoen.

Seedth raeriestimmiem diekie: samediggi@samediggi.no. Raeriestimmien seedtememierie baalhkese 2022 lea skïereden 9. b.

Aarebi vitnijh

2023:

Vitnije Saemiedigkien gïelelutnjemebaalhkeste 2023 lea Emil Karlsen Storfjordesne, gie baalhkam åådtje sov barkoen åvteste lïeredh, vååjnedehtedh jïh saemien nuhtjedh byögkeles tjïehtjelisnie.

2022:

Vitnije Saemiedigkien gïelelutnjemebaalhkeste 2022 lea Lemet-Jon Aage, Aage Agnar Solbakk, Deatnuste. Aage lea saemien gïeline barkeme gellie jaepieh jïh dovne aerpievuekien daajroem åehpiedahteme jïh faagegærjah bæjhkoehtamme. 

2020: 

Vitnije Saemien gïelelutnjemebaalhkeste 2020 lij Lemet Máhtte Eira Sara altese jarkoestimmien åvteste daataspïeleste Minecraft englaanten gïeleste noerhtesaemien gïelese.

2019: 

Saemien snapchat-kontoe Snaepmie gïelelutnjemebaalhkam åadtjoeji gosse baalhka voestes aejkien vadtasovvi 2019. Dïhte mij skraejriem veelti, Ánne Márjá Guttorm Graven baalhkam dåastoeji.

ArtikkelPublisertDatoFront 29.08.2022 13.31
SistEndret 07.11.2023 12.00