Sæjhta vihkeles årrodh eantan vielie våajnoes jïh eadtjohke årrodh, jïh bïevnese- jïh dåårrehtimmiebarkojne daan dåehkien vööste gïehtelidh. Bïevnesh ööhpehtimmienuepiej bïjre, kvotaöörnegh, stipendeöörnegh jïh barkoenuepieh sijhtieh vihkeles årrodh daennie barkosne. Lissine sæjhta vihkeles årrodh voerkesvoetem gåaskodh learohki luvnie jåarhkeskuvlesne vihkelesvoeten bïjre saemiengïeleldh maahtoste jïh mah vierhtieh dah sijhtieh årrodh båetijen aejkien. Goh akte bielie dåårrehtimmesne faagemaahtoste, Saemiedigkie stipendem vadta learoehkidie jåarhkeskuvlesne mah lïerehtimmiem saemien gïeline åadtjoeh.
Saemiedigkie sæjhta karrierekonferansh saemien noeride öörnedidh, gusnie maehtebe ööhpehtimmieinstitusjovnh, barkoevedtijh jïh saemien noerh tjöönghkedh. Konferansen ulmie lea noerh/learohkh mah meatan orreme konferansesne daejrieh sijjen saemien gïelemaahtoe lea stoerre aarvoste, jïh sijjen ovmessie karrierenuepiej bïjre daejrieh mah leah siebriedahkesne. Konferansesne Saemiedigkie sæjhta:
- Ovmessie karrierenuepieh jïh ööhpehtimmienuepieh vuesiehtidh
- Daerpiesvoetide saemiengïeleldh maahtose ovmessie siebriedahkesuerkine vuesiehtidh
- Noerh edtjieh voerkes sjïdtedh sijjen sjïere vierhtien bïjre goh saemiengïeleldh maahtoe
Karrierekonferanse edtja öörnesovvedh njoktjen 2021.
Karrierekonferansen ble avholdt 25. mars 2021.
Se opptak av karrierekonferansen her, i tre deler:
Gïehtjh talkshowem "Maid dál" mij lea skreejrehtimmiefilme gusnie 19 jaepien båeries Mathis Eira soptsesteminie guessiejgujmie ööpehtimmien jih barkoeveeljemen bijre: