Tjaktjen 2019 Almetjeregistere nuepiem bæjhkoehti åtnoem saemien gïelijste registreradidh. Registreradimmie jïjtjevyljehke jïh tjuara jïjtje sov saemien gïeleåtnoen bïjre bievnedh. Maahta åarjel-, julev- jihïnoerhtesaemien registreradidh, jïh maahta jienebh saemien gïelh registreradidh jis jienebh haalvoeh.
Daate stoerre tsåatskelesvoetem åadtjoeji medijinie jïh sosijaale medijinie, jïh naa jeenjesh jïjtjemse registreradin dej voestes våhkoej bæjhkoehtimmien mænngan.

Daate stoerre tsåatskelesvoetem åadtjoeji medijinie jïh sosijaale medijinie, jïh naa jeenjesh jïjtjemse registreradin dej voestes våhkoej bæjhkoehtimmien mænngan.

Registreradimmie gïelijste lea evtiedimmien gaavhtan statistihkeste saemien gïeleåtnoen bïjre. Daan biejjien ij leah naan byögkeles jïh ellies statistihke saemien gïeleåtnoen bïjre. Viehkine registeristie jih statistihkeste edtja maehtedh gïele-evtiedimmiem tïjje doekoe goerehtidh, jïh maehtedh gïelepolitihkeles råajvarimmieh hammoedidh dan mietie.  

Juktie registrerem bæjjese bigkedh lea daerpies jienebh saamastallijh jïjtjemse registreradieh. Sæjhta daerpies årrodh kampanjine juktie tsåatskelesvoetem gåaskodh. Dagkeres kampanjesne sæjhta vihkeles årrodh daerpiesvoetem gïeleregisterasse tjïertestidh jïh våajnoes darjodh. Hijven gïelestatistihke sæjhta nuhteligs viehkievierhtine årrodh juktie båetijen aejkien gïeleldh dïenesjh evtiedidh.