Saemiedigkie lea skreejreme båarasåbpoe saemien sijjienommh sïjse tjöönghkedh dåarjoeöörnegen tjïrrh gïeleprosjeektide, gusnie tjöönghkeme sijjienommijste lea akte jieniebistie prioriteradamme suerkijste.
Prosjekten ulmie lea sijjienommh tjöönghkedh dejnie dajvine gusnie vaenie sijjienommh tjöönghkesovveme. Sijjienommh sïjse tjöönghkedh lea voenges saamastallije almetjh gihtjehtidh, jïh nommide transkriberadidh. Barkoe deellesåvva Saemiedægkan jïh vöörhkesåvva, jïh Saemiedigkien leah reaktah materijaalem bæjhkoehtidh jïh dam nomme-aamhtesinie nuhtjedh. Sijjienommh mah sïjse tjöönghkesuvvieh, registreradamme sjidtieh jïh jååhkesjæmman seedtesuvvieh.
Saemiedigkie lea laavenjostoem tseegkeme dej åarjelsaemien gïelejarngigujmie tjöönghkemen bïjre åarjelsaemien sijjienommijste. Åarjelsaemien dajve lea akte dejstie dajvijste gusnie vaenie saemien sijjienommh, jïh Saemiedigkie lea aalkoelisnie veeljeme sijjienommeprosjektem aelkedh åarjelsaemien dajvesne.