Prosjeekten dajve lea eeremes Eanodat (Soeme), Guovdageaidnu (Nöörje) jïh Gárasavvon (Sveerje), men prosjeekten illeldahkh aevhkie mubpide dajvide Saepmesne. Prosjeekte aaj saemieh mubpide dajvijste eadtjaldahta sijjen vætnavuekide tjåadtjoehtidh jïh evtiedidh. Duodji Akademija 2027 voernges vytnesjæjjah tjöönghkie gaskesadtedh, laavenjostedh jïh vætnan båetije biejjide hammoedidh. Prosjeekten ulmie aaj vætnan aarvoem nænnoestidh saemiej gaskemsh jïh jeatjebi seabradahkesne.
Duodji Akademija 2027 lea Soemen jïh Nöörjen Saemiedigkiej ektie-prosjeekte jïh dah beetnehdåarjoem EU Interreg Aurora-programmeste åadtjoeh. Prosjeekte jåarhkasåvva jaepien 2027 geatjan.
- Vætnam vaarjelidh jïh nænnoestidh jielijen vuekine mij kultuvrem tjåadtjohte boelvijste boelvide jïh seabradahkese baadtehtahkh nænnoste.
- Vuaptastehtedh ektievoetem vætnan, vuekiej, gïeli jïh jielemevuekiej gaskem jïh nïmhtie saemien kultuvrem jïh kulturelle identiteetem nænnoestidh.
- Sosijaale, ekolåågeles jïh ekonomeles monnehkevoetem evtiemdidh:
- Sosijaale: Gaajhki seabradahken årroeji meatan-årromem tjirkedh, seamma saaht aaltere, tjoele jallh staatuse.
- Ekolåågeles: Nænnas åtnoem ïebnijste, etihkeles skåårvemem jïh byjreskehoksem evtiemdidh.
- Ekonomeles: Vætnan ekonomeles dïenestem nænnoestidh jïh almetjh dåarjodh mah sijhtieh jïjtsh sïelth tseegkedh.
- Saemien seabradahken resiliensem jïh jïjtjenænnoestimmiem nænnoestidh.
- Vætnan maahtoem jïh maehtelesvoeth boelvi gaskemsh jåerhkedh.
- Etihkeles njoelkedassi dahkoesoejkesjem darjodh dorjemassen, vætnan doekeme jïh åtnoen åvteste. Saemiedigkieh, kultuvreorganisasjovnh, vytnesjæjjah jïh politihkerh leah meatan soejkesjidh.
- Digitaale ööhpehtimmievierhtieh evtiedidh jïh soejkesjem gaskeviermiesæjjan darjodh gusnie vytnesjæjjah maehtieh bïevnesh juekedh, viermiedahkem tseegkedh jïh lïeredh.
- Vytnesjæjjide dåarjodh dej sïeltegïehtelimmesne jïh ekonomeles nuepieh nænnoestidh viermiedahketseegkemen tjïrrh.
- Laavenjostoem vætnan bïjre raasti rastah nænnoestidh.
- Barkoeseminaarh öörnedh Enodat:esne, Guovdageaidnu:sne jïh Gárasavvon:esne Sveerjen bielesne, gusnie nuepieh vætnan bïjre lïeredh, åssjaldahkh åvtese buektedh jïh vætnan båetije biejjiej bïjre soptsestalledh.
- Saemiestidh ööhpehtimmine.
Dåeredh Duodji Akademija 2027 sosijaale meedijinie:
Duodji Akademiija 2027 - Instagram
Duodji Akademiija 2027 - Facebook