Guovddáš hástalus lea gávdnat heivvolaš dássedeattu etihka, olbmuidgaskasaš deasttaid ja kultuvrralaš árvvuid gaskkas - ja maiddái vuhtiiváldit dárbbu čohkket eanet dieđuid sámi historjjá ja gávdnoma birra.

Njuolggadusat mat ráhkaduvvojit galget leat vuođđun Sámedikki áššemeannudeamis mii guoská olbmodávttiide ja hávdemateriálaide mat dál vurkkoduvvojit iešguđetge ásahusain sihke sisriikkas ja olgoriikkas, ja maiddái boahttevaš áššiin mat gusket ráfáidahttojuvvon sámi hávddiid hálddašeapmái. Bargu njuolggadusaiguin loahpahuvvo 2027 loahpageahčen ja meannuduvvo dasto Sámedikki dievasčoahkkimis.

Máhttovuođđu

Oassin dán barggus lea Sámediggi ráhkadan máhtto- ja digaštallanvuođu mii sáhttá leat ávkkálaš digaštallamiid ja cealkámušaid oktavuođas. Dokumeantta sáhtát dás oaidnit:

• Davvisámegillii: Sámi olbmodávttiid hálddašeapmi (PDF, 2 MB)
• Julevsámegillii: Sáme almatjij bátsidisáj háldadibme (PDF, 2 MB)
• Dárogillii: Forvaltning av samiske menneskelige levninger (PDF, 2 MB)
• Lullisámegillii: Reereme saemien almetjebaatsahtassijste (PDF, 2 MB)

Diehtojuohkin- ja cealkámuščoahkkimat

2026 skábmamánu rádjái áigu Sámediggi čađahit dialogačoahkkimiid máŋgga sajis Sámis - Vuonnabađa rájes davvin gitta Rosse rádjai máddin. Čoahkkimiin mii muitalit olbmodávttiid ja njuolggadusaid ráhkadeami barggu birra. Dialogačoahkkimat leat rahpasat buohkaide.

Lea maid vejolaš sáddet čálalaš cealkámušaid Sámediggái, ja dan sáhttá dahkat guovvamánu 1. b. 2027 rádjai.

Loga eanet gulaskuddama birra ja sádde cealkámuša: Gulaskuddan: Sámi olbmobázahusaid hálddašeapmi