Ole Larsen jïh Susanna Olsdatter Matti jïh dej gaektsie maanah daesnie årroejin gaskem 1804 jïh 1826. Væjroevaahran gaavhtan dah sæjjan Nordmark Evenesmarkesne juhtin.

Ole jïh Berit

Ole Jakobsen Nibla lij ryöjnesjæjja Norrkaitumistie Jiellevárresne. Dïhte aarpijinie Berit Maria Knutsdatter Stor pruvri jïh dah orrijin daesnie 1847. Dah baerniem Lars 1844-1928) åadtjoejin. Lars voestegh pruvri Elen Pedersdatterinie jïh mænngan Elen Olofsdatter Pingine. Ajve göökte dej maanijste, Anders jïh Anna byjjenin. Elenen eejhtegh jïh åabpebe aaj fuelhkine ektine årroejin Lallegoahtesne.

Ööhpehtæjjah

Dovne Ole Jakobsen jïh baernebe Lars lin ööhpehtæjjah. Laaran gåetie lij stoerre, göökte tjïehtjeligujmie, jïh dovne skuvline jïh læstadijaanen åålmegegåetine åtnasovvi. Tjåanghkojne gåetie provhki eevre dïeve årrodh almetjijstie. Daamtaj almetjh böötin mearoegaertienijstie juktie meatan årrodh tjåanghkojne.

Derhviegåetie tjåadtjoeji 1936 raajan, dellie slaami. Ij naan våajnoes baatsahtassh derhviegåeteste.

«Lars lij ööhpehtæjja jïh gellien aejkien lij tjåanghkoeh Lars Olsa jïh Elenen luvnie. Gellie jupmelesbaakoeh lohkesovveme jïh soptsesovveme dennie gåetesne, jïh mearan daesnie tjåådtje maahta damtedh ov goh aejlies sijjesne tjåadtjodh.» John Mikal Løvli (1898-1996)