Doh voestes mah Øsesne orrijin lin Knut Larsen jïh gåmmebe Elen Olsdatter Panis, dah dohkoe böötin 1847. Dah baernien John Johnsen (1865-1918) sov baernine veeltigan, mij gaertienistie Fedreheim Vassdalesne bööti. Baernien aehtjie lij faaradamme gosse vïnhtse batnani Sølvsteinen ålkolen Veggesne, jïh aarpije idtji buektehth gaajhkh maanah gorredidh. John mænngan pruvri jïh Sletthaugese juhti. Paarretjeguaktah Øsesne aaj nïejtem sujhtemisnie utnin, Berit Maria Johnsdatter.
Berit Maria Johnsdatter
Berit Maria pruvri Henrik Henriksen Panisine (1854-1934), mij Vassøseste bööti Gratangesne. Dah derhviegåetesne Nyheimesne årroejin, men mænngan Knut sealadi daj eelkin derhviegåetesne Øsesne årrodh. Berit jïh Henrik dïmperegåetiem tseegkin ovrehte 1890, gusnie sijjen 12 maanajgujmie årroejin. Gåetiem ryjvesti 1960-låhkoen. Gierkiemovrh annje gååvnesieh.
Krafsa-tjeerege
Berit Maria (Marja) kraannagujnide viehkiehti baersieldimmesne. Altese niejte Hanna lij åehpies dajvesne. Dïhte sygkelinie minni dajvesne jïh vaaroeh doeki sov skåerrievoesseste. Hanna lij joekoen sjïere gujne man bïjre gellie soptsesh:
Dïhte voenges vïnhtse Haldis sov ruvtem utni Lenviken jïh Narviken gaskesne. Ikth dåaran tyske dåaranïerh tjahkasjin gaajhkine tjahkesjesijjine salongesne. Hanna tjåarvoeji: BUALA!
Dellie gaajhkesh dovnesh bæjjese roehti. Hanna dejtie nöörjen almetjidie jeehti dah tjoerin skodtedh tjihkedidh!
Henrik Henriksen Panis (Henrik Øse)
Henrik geajnoesuerkesne barki jïh lij åejvie gosse geajnoem bigkin Snubban luvhtie Lenviken gåajkoe. «Henrik-pruvvie» Jansbakkesne sov nommem åadtjoeji barkoeåejveste.
Juekeme Steinmoeste
1916 göökte gaertenh juakasovvin Lars Olsenen (1844-1928) gaertienistie Steinmo. Larsen baernie Anders Solheimem åadtjoeji. Ole Øse Øver Steinmo åadtjoeji, daelie åehpies goh Øse.
Ole Anna Andersdatterinie (1895-1979) pruvri mij lij Nergårdeste.
Bovre jïh prïhtjhgåetie
Ole, seammalaakan goh aehtjebe, geajnoesuerkesne barki. Ovrehte 1920 filialem åadtjoejin Agur Danielsenen bovrese Botnesne. Bovre Øsesne lij dïmperegåetien tjeallarisnie mij daesnie tjåadtjoeji.
Ovrehte 1930 Anna prïhtjhgåetiem «Ole Øses kafé» rïhpesti ståaposne. Saemien aerpievuekien mietie fealadæjjah edtjin dovne beapmoem jïjjedimmiem åadtjodh. Daate stoerre ekonomeles maajsoe sjïdti. Gosse Anna prïhtjhgåetiem rïhpesti dellie vaenie beetnegh fealadæjjijste dïenesjin.
Prïhtjhgåetie lij joekoen vietseles almetji gaskem voenesne. Aejlegi gellie almetjh mïnnin iehkedsbiejjieprïhtjegem jovkedh jïh Annan åehpies gïhpegaeriem byöpmedidh.
Muvhten aejkien aaj læstadijaanen tjåanghkoeh Øsesne, ståaposne jallh laarosne.