Rensennjaevrien noerhtemehkesne gïejh leah joekehts tïjjeboelhkijste. Daesnie gaeriekrobpegierkie, daate sæjhta jiehtedh gierkien lea smaave, gohpeme krobph bijjiegietjesne. Dejtie seapan vïrrine jallh jeatjah sjïelevadtesigujmie dievhtieji. Gaeriekrobph leah seapan bråånseaaltaristie.
Seamma lehkesne göökte jorpe gööthsijjieh. Derhviegåetie lea saemien årromesijjie maam noerhtelistie damtebe. Saemieh amma Rensennen lïhke årroejin vijkingetïjjen minngiegietjien. Jaepien 2009 arkeologh dam aktem gööthsijjiem kroehkin. Kroehkemisnie bielie snaelteste gååvnesovvi. Dan åvteste daejrebe dah laejkiem butnin sïrvenålloste mestie vaarjoeh darjoejin. Tjeavlagierkieh aaj gååvnesovvin, mejtie nuhtjin gosse viermine göölin Rensennjaevresne daagkoe vuelielisnie. Abpe reektehtse kroehkemistie vöölemes daennie sæjrosne gaavnh.
Rensennisnie gellie kultuvremojhtesh ruevtieevtiedimmeste. Arkeologeles kroehkemisnie baatsahtassh smïrregåeteste gååvnesovvin seamma sijjesne goh gåetiesijjie. Dan åvteste maahta aerviedidh saemieh mah daesnie årroejin, ruevtiem darjoejin, man bïjre daejrebe jeatjah åarjelsaemien dajvijste.
Rensennen lihke gellie voessjemekrobph ruevtieaaltaristie. Daah åtnasovvin bearkoem jih gueliem jurjiehtidh. Maahtah dejtie vuejnedh goh smaave krobph deavesne.
Svaalhtese kroehkemereektehtsasse jaepeste 2009, Vestre Slidre (PDF, 2 MB)
Jieleme sïeterinie
Sïeterh leah joekoen vihkele orreme laantebårran Slidrevoenine gellie tjuetie jaepieh, jïh kultuvreeatneme vaeresne dam tjarke vuesehte.
Rensenn lij sïeteresiebrie gusnie gaektsie gaertenh Vestre Slidresne sïeterem utnieh. Lij sïejhme sïeteren gåajkoe juhtedh jovnesåhkoej bïjre, jïh gåatan vihth mïetsken minngiegietjien jïh skïereden aalkoven gaskesne. Sïeterh daejnie vaerine leah seapan seamma båeries goh gaertenh, jïh guktie arkeologeles gaavnoeh daelie toelhkeste, lea sïeterinie gïehtelamme bråånseaalteren mænngan. Daelie ajve akte sïetere mielhkieproduksjovnine aajmene Rensennisnie, men doh jeatjah sïetereïentjh annje gåatoemasse jïh daelviesuajnan åtnasuvvieh.
Lohkh vielie gærjesne Stølsliv i Vestre Slidre, Hauge og Rolandsgard 2018.