Stolpestabbur Majavatn

Vaenie gaskesadtesovveme åarjelsaemien kultuvreaerpien bïjre jïh eah leah jeenjh åålmegistie åehpie dejnie. Daan gaavhtan joekoen daerpies saemien kultuvremojhtesh åarjene vååjnedehtedh, registreeredh, vihtiestidh jïh dej gujmie barkedh. 

Saemien kultuvreaerpie daennie dajvesne daamtaj juaran buaktasovveme, vaenie dan bïjre gaskesadtesovveme jïh nöörjen kultuvrehistovrije stööremes sijjiem åådtjeme.  Seamma haestemem areaalesoejkesjeaamhtesinie vuejnebe. Jis maahtoevåaromem åarjelsaemien kultuvremojhtesi bïjre orrestehtebe jïh nænnoestibie, dle hijven dïrreginie sjædta Saemiedigkien meatan årroemasse areaalesoejkesjeprosessine daejnie dajvine.  

Kultuvremojtesh daennie prosjeektesne leah båarasommes arkeolåågeles gaavnoeh dovne orresth kultuvremojhtesh jïh gåetievaarjelimmie. 

Barkoen ulmieh:  

• Åarjelsaemien kultuvreaerpiem åehpiedehtedh jïh jååhkesjidh   
• Saemien identiteetem åarjelsaemien dajvesne nænnoestidh  
• Saemiedigkien maahtoem åarjelsaemien bigkemevuekiej bïjre nænnoestidh   
• Viermiem jïh dialogem tseegkedh åarjelsaemien bigkemeaerpien aajhteri gujmie  
• Saemiedigkien maahtoevåaromem areaalesoejkesjeprosessine nænnoestidh  
• Saemien areaaleåtnoem jïh veasomem åarjelsaemien dajvine vååjnedehtedh 

Daah ulmieh jeatjah gaskem Mánučálbmi-bæjhkoehtimmien ulmien mietie, bæjhkoehtimmiem saemien kultuvremojhtesijstie nænnoestidh. 

Se video: Sikring av buvrie i Hattfjelldal, høsten 2026