Kultuvremojhtesh ovmessie bielieh saemien kultuvreste vuesiehtieh, ovmessie tïjjeboelhkijste. Dïhte ellen båarasommes lea vijremesvaalkh Vensmoesne. Vijremesvaalkh leah åtnasovveme gierkieaalteren raejeste 1700-låhkoen raajan. Dellie gïengeles krobph kroehkin mejtie åeksiejgujmie tjïekin. Mænngan krievviem dajven sïjse stuvrin jïh såemies dejstie bovtsijste krobpi sïjse gahtjin. Dennie sijjesne vielie goh 10 vijremesvaalkh, jïh dïhte vuesehte gellie almetjh desnie gïehtelamme. 

Sijjesne Stokkabekken sæjhta dejtie båeries staaloesijjide vuejnedh mah jeanoen lïhke. Daejstie kultuvremojhtesijstie jeenjesh Saltoduottarisnie. Dah sijjen nommem åådtjeme dan åvteste dah lea stoerre jïh tjyölkehke, jïh vïenhti dah lin staaloen. Gåetiesijjieh mijjem haestieh onterdidh guktie gåetieh vååjnin, jïh guktie dah mah desnie årroejin, sijjen jieliemassem åadtjoejin. Seapan dah govlesuvvieh aareh båatsoekultuvrese

Jeatjah kultuvremojhtesh mejtie maahta vuejnedh lea sjïelesijjie Stødisne, mij saemiej båeries religijovnen bïjre soptseste. Bietsieh mejstie baarhkoem njalleme Lønsdaelesne vuesiehtieh aktem mahte åajaldamme vuekiem bietsiem beapmose nuhtedh, sisnjeles baarhkoem smöölhkin jïh jaavvose njeervin. Storjordesne gåetieh jïh buvrie.