Datne aajhtere vaarjeldihkie jallh vaarjelimmievyörtegs saemien gåeteste?

Datne aajhtere vaarjeldihkie jallh vaarjelimmievyörtegs saemien gåeteste?

Goh aajhtere dellie datne vihkeles juktie saemien kultuvreaerpiem stoerre aarvojne gorredidh.

    

Mijjieh datnem haestebe dam vaarjeldihkie jallh vaarjelimmievyörtegs gåetiem nuhtjedh. Dovne aerpievuekien åtnoe jallh orre åtnoe. Åtnoe lea bööremes vuekie maam joem gorredidh. Gåetieh mah åtnasuvvieh daamtajommes gorresuvvieh. Gosse faerpie njadtsese dellie vïedtjem måaledh, jïh gosse jïjnje lopme rehpien nelnie dellie lopmem destie baalah åvtelen skaarah sjædta.


Doh gåetieh, mejtie ij guhte vuejnieh naan åtnoeaarvoem utnieh, daamtaj tjåadtjoeh slaemieh. Vuesiehtimmien gaavhtan laaroeh, jåartatjeallerh jïh giesiefievsie. Jalhts gåetie ij leah åtnosne, sijhtebe læjhkan datnem haestedh dam gorredidh. Gaatesjen ij iktesth gåaredh. Dellie gåetie læjhkan maahta åadtjodh raeffesne tjåadtjodh jïh jåartese sjïdtedh. Jis åådtje sïjhtebe læjhkan gïejem – mojhtesem – gåetien bïjre jïh saemien årromen jïh jieledevuekien bïjre utnedh. Doh jeanatjommes arkeologeles kultuvremojhtesh goh gåetieaevjieh, aerniesijjieh jïh vijremesvaalkh leah dagkerh prosessi tjïrrh orreme. Dah leah åådtjeme raeffesne årrodh jalhts eah lin vielie åtnosne, jïh leah arkeologeles kultuvremojhtesinie sjïdteme.

Jis aajhtere vaarjeldihkie jallh vaarjelimmievyörtegs gåeteste maahtah dåarjoem ohtsedh

Bïevnesh jïjtsistie vaarjeldihkie saemien gåetiej bïjre

Lohkh vielie Rïjhkeantikvaaren bïevneseplaeresne. Å eie et fredet hus

Maahtah vielie bïevnesh daesnie gaavnedh:

Bygg og bevar

Fortidsminneforeningen: Bygningsvern