Ohtseme dispensasjovnen bïjre kultuvremojhteselaakeste

Ohtseme dispensasjovnen bïjre kultuvremojhteselaakeste

Jis vaarjelamme gåetiem eekie jïh sïjhth råajvarimmieh darjodh gåetesne mij lea vielie goh sïejhme gorredimmie, maahtah dispensasjovnen bïjre syökedh kultuvremojhteselaakeste.

Sïejhme gorredimmie leah biehkieh gåeteste gorredidh jïh dåvvodh. Maahta vuesiehtimmien gaavhtan årrodh oksh, klaash, listah, gerikth, bijjieskierieh jïh bijjieskieriegïetedimmie, vuebnieh, rööjrh rehpien bijjelen, jïh detaljh goh tsïegle jïh feegreme jïh vielie. Guktie rehpie vååjnoe daelvien mænngan jïh aajne slahtjan rehpiegierkiem målsodh seamma gierkine, lea gorredimmie. Dellie ij daerpies dispensasjovnen bïjre syökedh. Men jis edtjh bielieh rehpeste målsodh tjoerh dispensasjovnen bïjre syökedh. Jis jueriedisnie, gaskesadth Saemiedigkiem.

Edtja sïejhme gorredimmiem vaarjeldihkie gåetine darjodh dejnie vuekine mah aalkoelistie jallh daelie leah åtnasovveme, jïh seamma ïebnigujmie. Gorredimmie ij edtjh gåetien kultuvremojhteseaarvoem giehpiedidh.

Saemiedigkien lea faamoe dispensasjovnem vedtedh. Juktie maehtedh dispensasjovnem vedtedh vaarjelimmeste, tjuara iktesth göökte krïevenassh illedh: råajvarimmie man bïjre syökoe ij tjoerh stoerre darjomese årrodh kultuvremojhtesisnie, jïh tjuara akte sjïere tsiehkie årrodh.

Lohkh vielie dan bïjre kultuvremojhteselaakesne § 15

 

Dov leah gyhtjelassh?

Lars Børge Myklevold
Seniorraeriestæjja Kultuvremojhtesh
Epost
Telefon 78 48 42 73
Mobil 918 02 960
Elin Rose Myrvoll
Faageåvtehke Gåetievaarjelimmie, sujhteme jïh kultuvre-eatneme
Epost
Telefon 78 47 40 20
Mobil 950 62 570
Kjartan Gran
Seniorraeriestæjja Gåetievaarjelimmie, sujhteme jïh kultuvreeatneme
Epost
Telefon 78 48 42 84
Mobil 906 91 962