Sisvege faagine orre sjædta. Skuvle edtja såemies gille gaertjiedimmiejgujmie, seamma faagh faalehtidh goh daan biejjien. Gaertjiedimmieh leah barkoefaagesne, gusnie såemies dejstie ööhpehtimmieprogrammijste orre sjidtieh jïh såemies faagh tjåanghkan bïejesuvvieh.
Mijjieh learoesoejkesjidie daejnie faagine orrestibie:
- maadthskuvlefaagh jïh faagh mah abpe jåarhkeskuvlen tjïrrh juhtieh
- programmefaagh barkoefaagen ööhpehtimmieprogrammine
- programmefaagh studijeryöjreden ööhpehtimmieprogrammine
Faageorrestimmesne daah bielieh:
Bielie 1 (2017-2018) daah faagh åtna: Maadthskuvlefaagh jïh doh faagh mah abpe jåarhkeskuvlen tjïrrh juhtieh. 1.bieliem tjïrrehtamme.
Bielie 2 ( 208-2021) daah faagh åtna: programmefaagh jåarhkefaagen ööhpehtimmieprogrammine jïh programmefaagh studijeryöjreden ööhpehtimmieprogrammine
Tjïrrehtimmie: (2019- Edtja learoesoejkesjidie tjïrrehtidh. Skuvlh, skuvleaajhterh jïh lohkehtæjja-ööhpehtimmieinstitusjovnh edtjieh ryöjredidh learoesoejkesjidie åtnose vaeltedh.
Boelhkh strategijesoejkesjisnie faageorrestæmman leah vïedteldihkie 1. bealan jïh tjïrrehtæmman – mearan 2. bielie ij leah meatan strategijesne.
Faageorrestimmie lea ræhpas prosesse orreme. Lahtestimmiej jïh govlehtimmiej tjïrrh gaajhkesh nuepiem åtneme lahtestimmiejgujmie båetedh dovne Bijjemes bealan – aarvoeh jïh prinsihph maadthlïerehtæmman jïh faagi learoesoejkesjidie.