Datne tjoerh löönijinie registreeredh Saemiedigkien gærjagåatan/Learoevierhtiejarngese jis galkh maam löönedh. 

Datne «Bibliotekkortet» nuhtjh gåessie galkh löönedh. Vaeltieh guvviem kåarhteste, jallh tjaelieh sæjroen sïjse bibliotekkortet.no. 

Daesnie maahtah registreeredh:

1. Rïhpesth nedtesæjroem dov mobïjletelefovnesne: https://bibliotekkortet.no
2. Dïedth: «Registrer deg»
3. Dov nomme jïh tjaalehsijjie Åålmehregistereste veedtjesuvvieh.    
   Jis sïjhth bïevnesh dov bïjre jeatjahtehtedh, dle sïjse tjaala Min sidese dov kåarhtenommerinie jallh ID-portine. Bööremes ID-portem nuhtjedh jallh jïjtjen tjeakoesbaakoem darjodh dle tjaangeme lea jearsoes. 
4. Gaskesadth mijjine Saemiedigkien gærjagåetesne dov kåarhtem juhtiehtidh jïh löönijinie sjïdtedh Learoevierhtiejarngesne. Sedth e-påastem mijjen gåajkoe sambib@samediggi.no. Mijjieh dov nommem, tjaalehsijjiem, mobijlenommerem, e-påastem daarpesjibie, jïh aaj dov löönemekåarhtenommere maam datne åådtjeme gåessie orre utnijinie sjïdteme Bibliotekkortet.no sæjrosne.

Saemiedigkien gærjagåetien lea stoerre våarhkoe saemien faagelitteratuvrijste, learoevierhtijste, heevehtslitteratuvrijste jïh jeatjah vierhtijste saemien gïeline jïh jeatjah gïeline.  

Diehtosiidesne Guovdageaidnusne mijjen lea våarhkoe saemien learoevierhtijste noerhte-, julev- jïh åarjelsaemiengïelesne. Daesnie gærjah, tjoejegærjah, plakaath, spïelh, nossemespïelh, musihke jïh jielijeguvvieh. Daah leah jaksoes maanagïertide, skuvlide, studeentide jïh jeatjabidie löönedh. 

Saemien learoevierhtieportaale Ovttas|Aktan|Aktesne bïevnesh saemien learoevierhtiej bïjre tjöönghkeme. Desnie guvvieh, gærjah, jielijeguvvieh, tjoejenassh, learoevierhtieh, artihkelh jïh tjaatsegh gååvnesieh.   

Vaaksjoeh saemien learoevierhtieportaalem Ovttas|Aktan|Aktesne  

Gåarede learoevierhtieh löönedh Aktesne nedtesæjroen baaktoe, jallh litteratuvrijste ohtsedidh nedtesæjroste oria.no. Oria lea ohtsemedïenesje maam maahtah nuhtjedh gærjagåetien vierhtide gaavnedh, dej gaskem gærjah, artihkelh, aejkietjaalegh, tjaalaldahkh, maahtoegærjah, musihke jïh jielijeguvvieh.  

Ohtsh Orian tjïrrh

Læstoe learoegærjijste maanagïertese, 1. – 7. daltese. Bæjhkoehtamme 2023 – 2024.  Gaajhkh gïeline.  

Læstoe learoegærjijste 8. – 10. daltese. Bæjhkoehtamme 2023 – 2024.  Gaajhkh gïeline.

Læstoe learoegærjijste, vg1. – vg3. Bæjhkoehtamme 2023 – 2024.  Gaajhkh gïeline.

Læstoe saemien maana- jïh noerilitteratuvreste

Gyhtjelassh?

Gaskesadth Saemiedigkien gærjagåetiem mejtie dov naan gyhtjelassh learoevierhtiej, materijaale-löönemen jallh jeatjaj bïjre.    

Telefovne 78 47 40 00, e-påaste sambib@samediggi.no