FUG:en moenehtsisnie tjïjhtje lïhtsegh mah joekehts bielijste laanteste båetieh jïh maanah skuvlesne utnieh. Lïhtsegi våarome lea eadtjohke eejhtegetjirkijh skuvlesne. Saemiedigkie saemien tjirkijem FUG:se nammohte.

Lïhtsegh boelhkese 2020-2023:

1. Marius Chramer (leder), Tomasjord
2. Marie Skinstad-Jansen (nestleder), Moss
3. Sara Marja Magga, Guovdageaidnu
4. Violet Weli, Oslo
5. Renate Toft, Steinsland
6. Stig Oprann, Porsgrunn
7. Audun Fiskum, Harran

Sæjjasadtjh:

1. Lars Nordgård, Titran
2. Linda Sandåker, Misvær

FUG tseegkesovvi 1976 jïh reaktavåaromem åtna lïerehtimmielaakesne § 11-9. 2009 raejeste FUG vijriedamme mandaatem åadtjoeji jïh aaj feerhmie voestes jaepiem jåarhkelïerehtimmesne. Seamma biejjien raejeste nomme jorkesi Maadthskuvlen eejhtegemoenehtsistie. FUG ektie tjaelemesijjiem åtna Maanagïerti Eejhtegemoenehtsinie.

Lohkh vielie FUG:en bïjre jïh gaskesadth Maadthlïerehtimmien Eejhtegemoenehtsem.

Laavenjostoelatjkoe Saemiedigkine

Saemiedigkie laavenjostoelatjkoem vuelietjeeli Maanagïerti eejhtegemoenehtsinie (daaroen FUB)  jïh Maadthlïerehtimmiem eejhtegemoenehtsinie (daaroen FUG) ruffien 9.b. 2022.

Daesnie såemies dejtie mierijste laavenjostoelatjkosne:

• Gaajhkh maanah jïh noerh edtjieh jearsoe jïh hijven skuvlebyjresem utnedh
• Gaajhkh maanah jïh noerh edtjieh domtedh sijjieh vuajnalgieh jïh åadtjoeh årrodh gïeh leah
• Maanaj jïh noeri reaktah saemien gïelelïerehtæmman jïh lïerehtæmman saemien gïelesne
• FUG jïh Saemiedigkie edtjieh våajnoes aktöörine jïh dåarjoehtæjjine sjïdtedh saemien skuvlesuerkien sisnjelen

Lohkh laavenjostoelatjkoem Maadthlïerehtimmien eejhtegemoenehtsen (daaroen FUG) jïh Saemiedigkien gaskem boelhken 2022-2024 (PDF, 70 kB)