Min luhtte oaččut don miellagiddevaš bargguid bargosajis mii lea kompleaksa, muhto álo ovdáneamen. Dokumentašuvdna ja parlameantahálddašeami juogus bargá min mihtuid ektui. Min bajimuš višuvdna lea: "Ovttas nannet Sámi". Don sáhtát lohkat eambbo min váldomihtu birra vuolimusas almmuhusteavsttas.

Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.

Don gii virgáibiddjot fertet vuordit mátkkoštit barggus.

Barggut

Min juogus lea ovdánahttojuvvome, ja danin beasat don leat mielde ollu iešguđegelágan bargguin. Dokumentašuvdna ja parlameantahálddašeapmi juhkosis lea ovddasvástádus dokumenteret, ja dasa gullá Sámedikki áššemeannudan- ja arkiivavuogádat,  ja parlameantahálddašeapmi.

Du barggu sisdoallun šaddet:

• Dokumentašuvdna ja parlameantahálddašeapmi, mas parlameantahálddašeapmái lea váldodeaddu
• Doarjjahálddašeapmi, Sámedikki válgajienastuslohku, áššemeannudeapmi Sámedikki váiddalávdegoddái ja dárkkistanlávdegoddái dárbbu mielde
• Guorahallan ja ráđđeaddin áššesuorggis

Du bargobeaivi hábmejuvvo dárbbuid ja gelbbolašvuođa vuođul. Fertet leat gearggus dasa ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Gelbbolašvuohta

Mii ohcat du geas lea:

• Mastergráda stáhtadiehtagis dahje servodatfágalaš fáttás. Jus dus unnimus lea bachelorgráda dahje vásttolaš ja unnimusat vihtta jagi áššái guoskevaš bargovásáhus de sáhtát don árvvoštallojuvvot virgái. Jus dus lea guhkes bargovásáhus de sáhttá dat buhtadit váilevaš oahppu
• Mastergráda juridihkalaš dahje riektediehtaga fáttás. Unnimusmearri lea bachelor dahje vásttolaš ja maiddái unnimusat vihttajagi áššáiguoskevaš bargovásáhus de sáhtát don árvvoštallojuvvot virgái. Jus dus lea guhkes bargovásáhus de sáhttá dat buhtadit váilevaš oahppu
• Dus berre leat buorre fágalaš máhttu ja maiddái bargovásáhus almmolaš hálddašeamis. Dat lea dehálaš ahte don liikot plánemii ja barggat dárkilit, doaibmilit ja  kvaliteahttadiđolašvuođain, go sáhttet leat ollu iešguđegelágan doaimmat ja áššit bargobeaivvis
• Leat olmmoš gii nákcet hábmet buori oktavuođa olbmuiguin, beroškeahttá makkár dásis sii leat, leat čeahppi ovttasbarggat ja nákcet gaskkustit čielgasit sihke njálmmálaččat ja čálalaččat
• Leat dárkil ja čorgat
• Leat ealljár, liikot jođánit bargat ja háliidat oahppat ođđa máhtolašvuođa háhkat
• Digitála máhttu Microsoft bargoreaidduin, omd. PowerPoint ja Excel, ja arkiiva- ja áššemeannudanvuogádagain
• Jus dus lea unnimus bachelorgráda dahje sullasaš, ja unnimus 5 jagi guoskevaš bargohárjáneapmi mii gullá fágasuorgái sáhtát árvvoštallojuvvot virgái. Guhkes bargohárjáneapmi sáhttá buhttet vejolaš váilevaš formála oahpu.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes
• Liikot rievdadusaide ja ohcalat ovdáneami
• Dus lea bargovásáhus almmolaš suorggis ja dovddat gustovaš lágaid ja njuolggadusaid
• Lea sámi servodatmáhttu ja máhtát sámegiela  

Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Min luhtte beasat bargat miellagiddevaš bargguid Sámedikki máŋggabealat birrasis. 

Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmáláš ja čálalaš sámegielgelbbolašvuođa ovdal go mii olahit mihttomeari.

Sámediggi čuovvu stáhta láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa. Nuvttá mánáidgárdesadji Finnmárkkus ja Davvi-Romssas borgemánu 1. b. 2023 rájes
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 Ráđđeaddi, vuolgá ohcci bargohárjáneamis ja gelbbolašvuođas

Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohcat dasa?

Ohcan sáddejuvvo elektrovnnalaččat dán liŋkka bokte: Oza bargui, ja mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Rávdná Buljo Gaup
  Tel. +47 78 47 00 00 dahje e-poasta ravdna.buljo.gaup@samediggi.no
• Juogusjođiheddjiin Gunn-Astrid Nyborg Veimæl
  Tel. +47 78 47 00 00 dahje e-poasta gunn-astrid.nyborg.veimael@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.

Sámedikki árvvut:

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Suoidnemánu 2. beaivvi 2023