Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.
Don gii virgáibiddjot fertet vuordit mátkkoštit barggus.
Barggut
Ráđđeaddin beasat bargat gelddolaš bargguid mat gusket ealáhusaide sámi servodagain. Juhkosa bargguide gullá ráđđeaddin ja áššemeannudeapmi fágasuorggis, ja bargosuorggi politihka ovdánahttin. Beasat maid bargat čielggadan- ja prošeaktabargguid mat gullet du fágasuorgái. Vuordit ahte leat veahkkin iežat fágasuorgái gullevaš áššiin ja ahte sáhtát sihke bagadallat ja oahpahit.
Dan guovtti ráđđeaddivirgái gullet čuovvovaš barggut:
- Áššemeannudit ohcamiid mat bohtet Sámedikki ealáhuskapihttala váikkuhangaskaoapmeortnegiid bokte
- Politihkkaovdánahttin ealáhussuorggis
- Čuovvulanbarggut ealáhus- ja fitnodatovdánahttimis
- Fidnohutkan ja innovašuvdna ealáhusdoaimmain
- Prošeavttat ja čielggadeamit ealáhussuorggis
Virgái sáhttet maid biddjot eará barggut mat gullet Sámedikki doibmii.
Gelbbolašvuohta
Dus lea mastergráda dahje vástideaddji oahppu ekonomiijas, ealáhus- ja fitnodatovdánahttimis, servodatsurggiin, servodatdiliin dahje sullasaš oahpposurggiin. Jus dus lea unnimusat bachelorgráda dahje vástideaddji oahppu, ja unnimusat 5 jagi relevánta bargohárjáneapmi dán bargosuorggis, de sáhtát árvvoštallojuvvot virgái. Muđui čujuhit stáhtabargiidlága 3. §:i – gelbbolašvuođaprinsihppa.
Lea sávahahtti ahte dus lea hárjáneapmi almmolaš hálddašeamis, erenoamážit ealáhus- ja fitnodatovdánahttinbargguin. Deattuhit erenoamážit máhtu sámi ealáhusaid birra.
Dákkár persovnnalaš iešvuođat deattuhuvvojit
- Dáidu bargat iešheanalaččat ja ulbmillaččat
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Geabbil ja smáđáhkes
Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.
Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.
Mii fállat
Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihtuideamet. Sámediggi čuovvu stáhtalaš láhka- ja šiehtadusdoaimma.
Mii sáhttit earret eará fállat:
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 Ráđđeaddi, vuolgá ohcci bargohárjáneamis ja gelbbolašvuođas
Virgáduvvot 1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.
- Bálkkás gessojuvvo 2 % Stáhta penšuvdnakássii.
Positiivva sierrameannudeapmi:
- Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
- Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
- Sámediggi lea IA-doaimmahat Čáhkkilis bargodili, dg . Inkluderende Arbeidsliv (IA) , ja deattuha bargodiliid láhčima juohke bargái.
Virgádeapmi dahkko gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
Ohcan
Orru go virgi miellagiddevaš ja háliidatgo ohcat dasa?
Ohcan sáddejuvvo elektrovnnalaččat dán liŋkka bokte: Oza bargui, ja ohcamuša mielde galget biddjojuvvot:
- Ohcanreive
- CV – oahppu ja bargovásihusat fertejit devdojuvvot elektrovnnalaš skovvái
- Oahppo- ja bargoduođaštusat galget biddjot mielddusin
- Unnimusat guokte referánssa
Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
Oktavuohta
Eanet dieđuid virggi birra oaččut go válddát oktavuođa:
Ovttas nannet Sámi
"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut
- sámi vuoigŋa
- rabasvuohta
- ovttaráđálaččat
- searvvadeaddji
- luohtehahtti ja oskkáldas
Sámediggi bargá čuovvovaš mihtuiguin olahan dihte min višuvnna:
- Mis leat gelbbolaš ja áŋgiris mielbargit
- Min váldogiella lea sámegiella
- Min vuoruheamit ja dagut leat birgejumi vuođul
- Mii leat sámi servodatovddideami njunnošis
- Mii leat bivnnuhis bargosadji
Ohcanáigemearri
MIessemánu 7. beaivvi 2023