Sámi Giellagáldu lea Suoma, Norgga ja Ruoŧa beale sámedikkiid oktasaš davviriikalaš fágaorgána sámi giellaáššiin. Sámi Giellagáldu ulbmilin lea gáhttet, seailluhit ja ovddidit dan kulturárbbi maid sámegielat ovddastit. Sámi Giellagáldu galgá doaibmat golmma riikkas: Norggas, Ruoŧas ja Suomas, ja bargat sámegielaid normeremiin riikarájiid rastá. Formálalaččat lea Sámi Giellagáldu čadnon Norgga Sámediggái. Sámi Giellagáldu hálddahus lea ođđaásaheapmi man direktevra jođiha, ja das leat 12 jahkevirggi. Sámi Giellagáldu váldokantuvra lea Kárášjogas Norggas.
Sámi Giellagáldu bargá sámegielaid giellagáhttemiin ja doaibmá dego sámeálbmoga oktasaš áššedovdi fágaorgánan dain áššiin mat gusket sámegielaid čállingiela normeremii. Dát sisttisdoallá terminologiija ja čállinnjuolggadusaid normerema. Dasa lassin Sámi Giellagáldu juohká dieđuid sámegielain, rávve ja bagadallá giellageavaheddjiid sámegielaid geavaheamis.
Davvisámegiel giellabargi
Sámi Giellagáldus lea rabas fásta ráđđeaddi/seniorráđđeaddi virgi dutnje gii háliidat bargat davvisámegiela giellagáhttemiin ja normeremiin. Álgin farggamusat.
Ohcanáigemearri: 25.02.2024
Loga eanet virggi birra ja oza
Anarâškielâ pargee
Sámi Kielâkäldeest lii uuccâmnáál fastâ rääđiadeleijee/senior rääđiadeleijee virge tunjin, kote halijdah porgâđ anarâškielâ kielâtipšom já normâdem ooleest. Algâttem nuuvt forgâ ko máhđulâš.
Ohcanáigemearri: 03.03.2024
Loga eanet virggi birra ja oza
Åarjelsaemien gïelebarkije
Saemien Gïelegaaltijen lea barkoem goh raeriestæjja/seniorraeriestæjja dutnjan gïe sïjhth gïelegorredimmine jïh normeeremegujmie åarjelsaemien gïelesne barkedh. Åadtjoeh varki aelkedh.
Ohcanáigemearri: 10.03.2024
Loga eanet virggi birra ja oza