SáNuL birra

SáNuL ásahuvvui bistevaš orgánan 2003:s. SáNuL:s leat vihtta fásta miellahtu várrelahtuiguin, ja sámediggeráđđi lea dan nammadan. Miellahtut leat olles riikkas ja leat gaskkal 16 ja 28 jagi. Nammadanáigodat lea 2 jagi.

SáNuL lea ožžon fásta mandáhta ja organiserema Sámedikki dievasčoahkkimis. Sin váldobarggut leat:

• veahkehit sámi nuoraid Sámedikki politihkkii mieldemearrideami ja dadjamuša
• plánet ja lágidit Sámedikki nuoraidkonferánssaid
• bargat nu ahte movttiidahttit eanet sámi nuoraid politihkalaš beroštupmái
• bargat dan ala ahte eanet nuorat registrerejit iežaset Sámedikki jienastuslohkui, lasihan dihte nuoraid oasseváldima Sámedikki válggain, ja oažžut eanet nuorra áirasiid Sámediggái ja eará stivrraide ja lávdegottiide Sámedikkis.

SáNuL:i lea addon friddja rolla bargat áššiiguin mat sin mielas leat relevánta. Lávdegoddi ja miellahtut sáhttet dadjat mediai maid áigot ja ságastit áššiid birra eará ásahusaiguin nu movt ieža háliidit.

Lávdegoddi galgá doaibmat dego oktavuođalađas gaskkal sámi nuoraid ja Sámedikki, muhto maid gulaskuddanásahussan Sámediggái nuoraidáššiin. Dieinna lágiin sáhttá SáNuL veahkehit Sámedikki nuoraidprofiila ja nuoraidpolitihka hábmemis. Lávdegoddi sáhttá hállat sámediggeáirasiidde «SUPU-semináras» Sámedikki lávdegodde- dahje dievasčoahkkima oktavuođas. Lávdegoddi oažžu čoahkkimiid ovddas bálkká stáhta čoahkkinmáksomeriid vuođul.

Loga eanet SáNuL birra

Sámediggi hástala viidát evttohit kandidáhtaid

Dán vuođul bovde Sámediggi buktit evttohasaid kandidáhtaide SáNuL miellahttun. Evttohuvvon olbmos ii dárbbaš gullevašvuohta organisašuvdnii dahje institušuvdnii mii ovdanbuktá evttohusa. Vihtta nama sáhttet evttohuvvot, áinnas vuoruhuvvon lági mielde.

Evttohasain ferte earret kandidáhta namma, ahki, čujuhus, telefonnummar ja e-poastačujuhus.

Fuomášuhttit ahte dat geat evttohuvvojit evttohassan fertejit ovdagihtii leat duođaštan ahte háliidit leat evttohasat. Evttohasat berrejit maid ovdagihtii oažžut dieđu das ahte eaŋkilis bajilgovva evttohuvvon evttohasain ii čihkkojuvvo almmolašvuođas.

SáNuL ovddit áigodaga miellahtut:

Jođiheaddji: Elle Rávdná Näkkäläjärvi

Lahtut: Aina Madelén Nordsletta Aslaksen, Inga Márjá Lango, Piere Åvla Bransfjell, Jon Anta Eira Åhrén

Várrelahtut: Sunna Svendsen, Linnea Knutsen, Nils Anders Appfjell, Ronja Vara Sannerud, Odd Ánde Anti

Gáibádusat kandidáhtaide

SáNuL miellahtut galget gaskkal 16 ja 28 go nammaduvvojit. Sámediggeráđđi lea álginjulggaštusastis cealkán ahte SáNuL stivrejupmi doaibmá politihkalaš sáhkaguoddin sámi nuoraide ja veahkeha ráhkadit oadjebas čoahkkinbáikkiid nuoraide ja ahte sámi mánát ja nuorat ohppet ja dihtet Sámedikki bargguid birra.

Sámediggeráđđi nammada jođiheaddji, ja SáNuL nammada ieš nubbijođiheaddji. SáNuL miellahtut fertejit rehkenastit veahá mátkkošteami ja oassálastima fysalaš ja digitála čoahkkimiin ja doaluin, ja dasto veahá doaimmahanbargu čoahkkimiid birra. Mii ávžžuhit danne ahte evttohuvvon kandidáhtain lea dilli ja liiba dákkár doaimmalašvuhtii.

SáNuL miellahtuid oktiibidjan galgá speadjalastit geográfalaš govdodaga, agi mielde juohkin, ja ovddastit goappaš sohkabeliid. Sámediggi bivdá evttohusaid speadjalastit dan.

Sámediggi dáhttu evttohusaid juovlamánu 11. beaivvi rádjái.

Evttohusat sáhttet sáddejuvvot reivve dahje e-poastta bokte čuovvovaš čujuhussii:
Sámediggi
Ávjovárgeaidnu 50
9730 Kárášjohka

E-poasta: samediggi@samediggi.no