Sámedikki jienastuslohku galgá lágiduvvot almmolaš dárkkisteapmái, gč. láhkaásahus sámediggeválgga birra paragráfa 8. Lea vejolaš gáibidit ahte jienastuslohku divvojuvvo, gč. Sámediggeválgga láhkaásahusa paragráfa 9. Gielda sáhttá addit dieđuid dan birra ja dieđihit ahte dakkár gáibádus ferte sáddejuvvot Sámediggái juogo Sámedikki e-postii samediggi@samediggi.no dahje poastta bokte, poastaboksa 3, 9735 Kárášjohka-Karasjok.

Jienastuslohku gárvana sullii suoidnemánu 10. beaivvi, ja dán jagi sáhttet buot suohkanat viežžat jienastuslogu EVA:s. Geavatlaš bargguid birra gávnnat vel dárkilet dieđuid Valgmedarbeiderportalenis.

Fina Valgmedarbeiderportalenis

Sámediggi fuomášahttá ahte suoidnemánu jienastuslohku gaskaboddosaččat čájeha galgá go gielddas leat ovddalgihtii jienasteapmi (-30-gielddat) vai maiddái válgadiggi (+30-gielddat). Čakčamánu gaskamuttus oažžu Sámediggi jienastuslogu buohkanassii ja dat lea vuođđun mandáhtaid meroštallamii.

Lea maiddái čakčamánu jienastuslohku mii loahpalaččat mearrida galgá go gielddas leat dušše ovddalgihtii jienasteapmi vai maiddái válgadiggi. Sámediggi sádde dieđu dán birra buot gielddaide go lea čielgan movt juogadeapmi šaddá. Seammás ožžot juohke válgabiire lohkansuohkanat dieđu iežaset válgabiriid juogu birra.