Sámediggi lea ovdal čoahkkima vástidan departemeantta 13.12. beaiváduvvon reivii, mas čállá lobihis konsešuvnna rievdadeami birra. Reivves čállá Sámediggi ahte ii leat sivva čujuhit ahte Alimusriekti vuođđuda duomu lágamannirievtti duođaštusárvvoštallamii mii lea viiddis ja fágalaččat áigáduvvon:
"Når da departementet uttrykker at de ser behov for å utarbeide et oppdatert kunnskapsgrunnlag for endring av en ugyldig konsesjon er det nærliggende å lese dette som et forsøk på å foreta en overprøving av Høyesteretts dom, noe som er i strid både med grunnloven og grunnleggende rettsstatsprinsipper."
("Go departemeanta dovddaha ahte oaidná dárbbu ráhkadit áigáduvvon máhttovuođu lobihis konsešuvnna rievdadeapmái, de lea lunddolaš áddet dán nu ahte Alimusrievtti duopmu geahččaluvvo dárkkistuvvot, mii lea vuostá sihke vuođđolága ja riektestáhta vuođđoprinsihpaid.")
Loga Sámedikki reivve Oljo- ja energiijadepartementii (PDF, 112 kB)
– Departemeantta dieđihuvvon nuppástuhttinmearrádus ii leat Alimusrievtti mearrádusa doahttaleapmi, mas konstaterejuvvo ahte konsešuvdna ii leat lobálaš. Departemeanta ferte dahkat mearrádusa das ahte konsešuvdna máhcahuvvo ovdalgo vejolaččat árvvoštallojuvvo mii galgá dáhpáhuvvat rusttegiin mii lea doppe. Departemeantta dálá plána mielde dáhpáhuvvá doaibma lobihis konsešuvnnain ja almmá beasakeahttá guvlui doaisttážii.
Departemeanttas lea iešheanalis ovddasvástádus eastadit dán lobihis doaimma jotkojuvvomis, dadjá sámediggepresideanta Muotka.
Sámediggepresideanta ja oljo- ja energiijaministtar soabaiga ahte gulahallan departemeantta ja Sámedikki gaskka galgá jotkojuvvot, gávnnahan dihte leago vejolaš áddet buorebut nubbi nuppi.
– Mun deattuhan dattetge ahte áššejohtu sihke Sámedikki ja boazodoalu siiddaid mielas ii leat riekta iige leat vuođđun čovdosii mii sihkkarasttášii ahte Norga doallá iežas olmmošrievttálaš geatnegasvuođaid dán áššis, dadjá sámediggepresideanta Muotka loahpas.
Jearahallama addá sámediggepresideanta Silje Karine Muotka (NSR), +47 984 87 576, silje.karine.muotka@samediggi.no.