Soaitá maid šaddat áigeguovdilin áššemeannudit jus dárbu čuožžila. Galle virggi šaddet vuolgá das galle olgguldas barggu/ gieddebarggu mat galget čađahuvvot 2023:s. Plánat soitet ain rievdat. Virggit leat gaskaboddasaččat, ja eatnasat álggahuvvojit áigodagas cuoŋománus gitta geassemánnui 2023:s.

Gieddehoavdabargiid ja gieddeveahkkebargiid virggit bistet dábálaččat 2-5 mánu, ja sáhttet vejolaččat guhkiduvvot. Jus prošeaktajođiheaddji virgáduvvo, bistá virgi 8-9 mánu. Bargosadjin šaddá okta Sámedikki kontorbáikkiin Vuonnabađas, Romssas, Ájluovttas, Snoasas dahje eará sámedikki kantuvrasajiin.

Don gii virgáibiddjot fertet vuordit mátkkoštit barggus.

Barggut

Gieddebargohoavddat

Gieddebargohoavddaid bargu lea registreret sámi kulturmuittuid áššáigullevaš plána- ja areálaáššiid oktavuođas. Lassin dasa lea raportabargu, sihke gaskaboddasaččat ja maŋŋel gieddebarggu. Jus šaddá dárbu ja gávdnojit návccat, sáhttá maid plána- ja areálaáššiid meannudeapmi leat heivvolaš guoskevaš kantuvrasajis ja dasto sisačállit registrerejuvvon kulturmuittuid Askeladdenii.

Gieddeveahkkebargi

Gieddeveahkkebargit galget oassálastit gieddebarggus ja registreret sámi kulturmuittuid báikediđoštallamiid oktavuođas guoskevaš plána- ja areálaáššiin. Lassin dasa lea raportabargu maŋŋel go gieddebargu lea loahpahuvvon. Sávahahtti lea máhtolašvuohta kulturmuittuid registreremis ja maiddái GPS ja GIS geavaheamis. Jus šaddá dárbu ja gávdnojit návccat, sáhttá maid plána- ja areálaáššiid meannudeapmi leat heivvolaš guoskevaš kantuvrasajis. Čále ohcamii gosa háliidivččet kantuvrasaji.

Prošeaktajođiheaddji, gieddehoavda, gieddeveahkkebargit

Mii ohcat prošeaktajođiheaddji ja gieddebargohoavddaid/ gieddeveahkkebargiid § 9- registreremii ođđa 420 kV elfápmolinjái Skáiddis - Adamsfjorddalenii Hámmárfeasttas, Porsáŋggu ja Davvesiida gielddain. Prošeaktajođiheaddji galgá jođihit registrerema, ja sus lea ovddasvástádus ovdabargui, čađaheapmái ja bargui maŋŋel gieddebarggu.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Gieddebargohoavddaide:

Mastergráda dahje sullasaš mii gullá arkeologiijai dahje sullasaš relevánta fágasuorgái. Kandidáhtat main unnimus bachelorgráda dahje sullasaš, ja unnimus 5 jagi guoskevaš bargohárjáneapmi mii gullá fágasuorgái sáhttá árvvoštallojuvvot. Muđui čujuhit stádabargiidláhkii § 3 - gelbbolašvuođaprinsihppii.
Gáibiduvvo bargohárjáneapmi kulturmuittuid registreremis ja GPS geavaheamis. Sávaldahkan lea máhtolašvuohta kulturmuittuid registreremis ja maiddái GIS ja CPOS geavaheamis.

Gieddeveahkkebargiide:

Sávahahtti lea alit oahppu arkeologiijas dahje sullasaš bachelordássi.  Unnimus 3 jagi relevánta bargohárjáneapmi sáhttá buhtadit oahpahusgáibádussii. Mávssolaš bargohárjáneapmi árvvoštallojuvvo maiddái .  Sávahahtti lea máhtolašvuohta sámi kulturmuittuid birra.

Prošeaktajođiheaddji:

Prošeaktajođiheaddjivirgái gáibiduvvo mastergráda arkeologiijas dahje eará relevánta fágain, ja unnimus 5 jagi relevánta bargohárjáneapmi. Kandidáhtat main unnimusat bachelorgráda dahje sullasaš, ja unnimusat 8 jagi relevánta bargohárjáneapmi sáhttet árvvoštallojuvvot. Máhtolašvuohta sámi kultuvrra ja sámi kulturmuittuid birra lea dárbbašlaš ja maiddái guhkit hárjáneapmi GIS ja CPOS geavaheamis. Bargohárjáneapmi stuorit registrerenprošeavttaid prošeaktajođiheamis ja dasto dovdat kulturmuitologahallama, GPS ja GIS geavaheami lea maid sávahahtti.

Sávvat olbmuid geat leat hárjánan meahcis ja sáhttet tealttás idjadit dahje sullasaš.
Biilavuodjenkoarta personbiilii lea dárbbašlaš.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1065 Konsuleanta/1408 Vuosttaškonsuleanta/1434 Ráđđeaddi, vuolgá ohcci bargohárjáneamis ja gelbbolašvuođas

Virgáduvvot 1130 Prošeaktajođiheaddji/1364 Seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohccát dasa?

Ohcan sáddejuvvo elektrovnnalaččat dán liŋka bokte Oza bargui, ja ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrain (konst.) Sten Olav Heahtta
  Tlf. +47 78 47 40 00 - sten.olav.heahtta@samediggi.no
• Juogusjođiheddjin Elin Rose Myrvoll
  Tlf. +47 78 47 40 00 - elin.rose.myrvoll@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut 

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Njukčamánu 22. beaivvi 2023