Sámediggi lea Sámi mánát ođđa searvelanjain (SáMOS) prošeavtta oktavuođas njukčamánus 2021 nammadan bargojoavkku mii galgá guorahallat sámiide heivvolaš, oktasaš gievrras giellamodeallaid, ja buktit fágalaš árvvostallamiid ja ávžžuhusaid movt bargat gievrras giellamodeallaiguin  sámegielat mánáidgárddiin ja skuvllain. Bargojoavkkus leat leamašan miellahtut Norgga-, Suoma- ja Ruoŧabeale Sámis.

• Loga raportta: Gievrras giellamodeallat-raporta (PDF, 862 kB)

Raporttas leat guokte oasi, Gievrras giellamodeallat I: duogáš ja definišuvnnat, mas ulbmilin lea čilget ja defineret iešguđet giellamodeallaid ja Gievrras giellamodeallat II: fágalaš árvvoštallamat ja ávžžuhusat, mas dárkileappot árvvoštallo giellamodeallaid praktihkalaš beliid. 

Raporttas leat čielga ulbmilat ja gáibádusat dasá movt giela nannet mánáidgárddis ja skuvllas. Samediggi áigu atnit raportta ávkin viidáset barggus hábmet nanu struktuvra dasá movt geavahit gievrras giellamodeallaid mánáidgárddiin ja skuvllain. Mihttu lea ahte mánát ožžot sámegielat mánáidgárdefálaldaga ja sámegieloahpahusa skuvllas man bokte mánát šaddet sámegielagat.

Bargojoavkkus leat mielde sámi sosiolingvistihka professor Annika Pasanen, bajit inšenevra ja gielladutki Inga Lill Sigga Mikkelsen, vuosttašlektor Berit Anne Bals Baal ja sámi mánáidgárdeoahpaheaddji ja SáMOS prošeaktabargi Ánne-Márge Päiviö.