Rievdadeami duogáš

Sámediggi evttoha rievdadit sámegielat mánáidgárdefálaldagaid doarjjaortnegiid nannen dihte giellabarggu kvalitehta ja vai buorebut doarjjušii mánáid ovdáneami sámegiela, sámi kultuvrra ja identitehta hárrái.

Evalueremat ja mánáidgárdesuorggi ovdáneapmi čájeha ahte dálá ortnegat eai leat doarvái bures heivehuvvon dárbbuide. Dárbbašuvvojit čielgaset mihtut, eambbo systemáhtalaš giellabargu ja vuoiggalet doarjjaruhtajuogadeapmi.

Don sáhtát sáddet cealkámuša máŋgga ládje

• Sierra skoviin (sáhttá leat anonyma): Mana elektrovnnalaš cealkámušskovvái  
• Čálalaččat reivve bokte: Sámediggi – Sametinget, poastaboksa 3, 9735 Kárášjohka/Karasjok
• Čálalaččat e-poastta bokte: samediggi@samediggi.no

Merke cealkámuša «Evttohus rievdadit Sámedikki doarjjaortnegiid mánáidgárddiide main lea sámegielat fálaldat»

Gulaskuddanáigemearri

Gulaskuddanáigemearri lea borgemánu 21. b. 2026.

Dokumeanttat

Loga áigeguovdilis dokumeanttaid:

• Gulaskuddanreive: Høring - Forslag til endring av Sametingets tilskuddsordninger til barnehager med samiskspråklig tilbud (PDF, 510 kB) (dárogillii)
• PwC lea árvvoštallan Sámedikki doarjjaortnega mánáidgárddiide. Loga raportta: Evaluering av Sametingets søkerbaserte tilskudd til barnhehager - pwc (PDF, 3 MB)
• Gievttas giellamodeallat-raporta: 
  • Davvisámegillii: Gievrras giellamodeallat (PDF, 691 kB)
  • Dárogillii: Sterke språkmodeller (PDF, 696 kB)
  • Lullisámegillii: Stinkes gïelemodellh (PDF, 815 kB)
  • Julevsámegillii: Nanos giellamodella (PDF, 740 kB)
• Pedagogalaš prinsihpat sámi mánáidgárddiide:
  • Davvisámegillii: Unna olbmožiid árgabeaivi mánáidgárddiin - Pedagogalaš prinsihpat sámi mánáidgárddiide (PDF, 469 kB)
  • Dárogillii: Unna olbmožiid árgabeaivi mánáidgárddiin - Pedagogiske prinsipper for samiske barnehager (PDF, 617 kB)
• Sámedikki mánáidgárdedoarjaga evalueren: Evaluering barnehagetilskudd, Nordlandsforskning (PDF, 5 MB)

Evttohuvvon rievdadusat

Evttohuvvo:

• čohkket dálá doarjjaortnegiid ođđa, oktasaš ortnegin sámegielat mánáidgárddiid várás
• ásahit golbma gielladási (dássejuhkkojuvvon modealla) mánáidgárddi gielladili vuođul
• rievdadit doarjjameroštallanvuođu ossodatlogus mánnálohkui ja sámegielat bargiid lohkui
• bidjat čielgaset gáibádusaid systemáhtalaš giellabargui mánáidgárddiin, ja ahte mánát leat sámegielagat go gerget mánáidgárddis ja álget skuvlii
• sihkkarastit liige giellaresurssa (sámástahtte) mánáidgárddiin
• ovdánahttindoarjja galgá geavahuvvot nannet giellabarggu kvalitehta nana giellamodeallaid ja pedagogalaš prinsihpaid viidásetovdánahttimiin sámi mánáidgárddiin
• álkidahttit ortnega dainna lágiin ahte šaddá okta ohcan ja okta raporteren

Dasa lassin evttohuvvo rievdadit prošeavttaid ja ovdánahttinbargguid ortnega árbevirolaš máhtolašvuođa ortnegin sámi mánáidgárddiin.

Sámedikki doarjagat mánáidgárddiide leat ekonomalaš doarjjaortnegat mat galget sihkkarastit sámi mánáide sámegielat mánáidgárdefálaldaga. Ruđaiguin galgá loktet giellabarggu kvalitehta mánáidgárddiin.

Ortnet guoská sihke sámi mánáidgárddiide ja eará mánáidgárddiide main leat sámi mánát ja mat fállet sámegiel giellaoahpahusa. Doarjja boahtá dábálaš ruhtadeami lassin maid mánáidgárddit ožžot stáhtas suohkaniid rámmadoarjaga bokte.

Tabealla vuollelis čájeha dálá doarjjaortnegiid ja evttohuvvon rievdadusaid:

(∗haddi muddejuvvo jahkásaččat)

Oanehaččat

• Ođđa ortnegis geavahuvvojit fásta máksomearit guđege máná ja bargi nammii
• Ovddeš ortnet válddii vuođu ossodagain ja bargiin
• Ođđa modeallain šaddá eambbo vuoiggalaš juogadančoavddus