Bargiidjuhkosis lea lagas ovttasbargu eará jođiheddjiiguin ja fágaossodagaiguin Sámedikkis, ja addá bargoneavvuid, bagadallama ja oahpaheami bargiidjođiheami, bargosearvevuođa ja strategalaš HR siskkobealde. Bargiidjuhkosis leat guhtta mielbargi oktan juogushoavddain.

Bargiidjuogus gullá hálddahusossodahkii. Hálddahusossodagas lea ekonomiijasekšuvdna, bušeahttasekšuvdna ja IKT-bálvalusat.

Sámedikkis leat máŋga kánturbáikki maid gaskkas sáhtát válljet, ja sáhtát bargat doppe gos lea rabas kántorsadji.

Don gii virgáibiddjot fertet ráhkkanit dasa ahte lea veahá mátkkošteapmi barggu oktavuođas.

Barggut

HR-ráđđeaddin bohtet dus leat máŋggabealálaš ja gelddolaš barggut HR-suorggis. Bargiidjuhkosis lea ovddasvástádus HR strategalaš ovdánahttinproseassain, mas rekrutteren, gelbbolašvuođa ovdánahttin, DBS ja bargiid- ja bálkápolitihkka leat guovddážis. Dás boahtá leat dehálaš vuoruhit Sámedikki guhkilmas gelbbolašvuođadárbbu strategiija barggu. Dasto doaimmaha juogus jotkkolaš bargiidhálddašeami ja hálddaša guoskevaš láhka- ja šiehtadusortnegiid.

Sámedikki HR barggut leat čuovvovaččat:

• Jođiheaddjái leat fágalaš ráđđeaddin ja bagadallin earret eará bargiidáššiiguin, rekruteremiiguin jnv.
• Váikkuhit buori organisašuvdnakultuvrra jođiheddjiide doarjaga ja bagadallama čađa, ja maid oasálastit nuppástus- rievdadus- ja ovdánanbargui.
• Čađahit Sámedikki bargiid- ja bálkápolitihka.
• Ovddidit ja doibmiibidjat doaimmaid mat leat čadnon Sámedikki doaibmastrategiijai.
• Ráhkadit, fuolahit ja ođasmahttit HR-guoskevaš rutiinnaid ja njuolggadusaid, ja maid gozihit proseassaid mat leat čadnon IA-bargui, bargobirrasii ja HMS-bargui.
• Veahkehit ja searvat šiehtadallamiidda ja ságaškuššamiidda ovttas jođiheddjiiguin ja luohttámušolbmuiguin – sihkkarastit ahte proseassat luohttámušolbmuiguin bargojuvvo gustovaš šiehtaduslágádusa olis.
• Nevvohat/ráđđeaddin leat áššiide mat leat čadnon bargoriektái (stáhtavirggehasláhkii) ja bargobirasláhkii, ja maid hálddašanriektái.
• Čállinbarggut virgádanráđiide, ovttasbargolávdegoddái ja bargobiraslávdegoddái Sámedikkis.
• Rutiidnabarggut čadnon earret eará virgáibidjamii, permišuvnnaide ja buohcanjávkančuovvoleapmái.
• Siskkáldas oahpaheapmi ja gelbbolašvuođaovdáneapmi siskkobealde juhkosa fágasurggiid.
• HR-analysat

Du barggut mielddisbuktet operasjonealla ja strategalaš HR-barggut, gos don fuolahat bealálašovttasbarggu, bálkápolitihka ja bálkášiehtadallamiid, jođihandoarjaga ja jođihanoaivádusa ja maid eará bargguid mat gullet bargiidjuhkosii.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Mii ohcat du geas lea oahppu allaskuvllas/ universitehtas mii vástida mastergráda HR:s, jođiheamis, administrašuvnnas, organisašuvdnapsykologiijas dahje relevánta servvodatfágalaš fáttát. Jus dus lea unnimus bachelorgráda dahje sullasaš, ja unnimus 5 jagi guoskevaš bargohárjáneapmi mii gullá fágasuorgái sáhtát árvvoštallojuvvot virgái. Guhkes bargohárjáneapmi sáhttá buhttet vejolaš váilevaš formála oahpu.

Mii ohcat du gii máhtát ovttasbargat, leat iešheanalaš ja gii čájehat rabasvuođa ja luohttevašvuođa. Dasa lassin fertet loaktit ráđđeaddirollas, máhttit koordineret áššiid mas leat máŋga ovttasbargooasálaččat ja ferte leat stuora čađahannákca.

Dus lea máhttu ja hárjáneapmi bargoaddirollas stáhtas. Lea sávahahtti ahte lea hárjáneapmi stáhta almmolaš hálddahusas, ja maid buorre ipmárdus ja geavaheapmi gustovaš láhka- ja šiehtaduslágádusain ja mielmearrideamis, tariffašiehtadusas ja gieđahallamis mii geavahuvvo almmolaš hálddahusas.

Dus sáhttá áinnas leat hárjáneapmi jođihan- ja mielbargiovddideamis ja máhtolašvuohta movt digitaliserema geavaha reaidun proseassas ja bálvalusovddideamis.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Návccat analyhtalaš bargui
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Kandiáhtat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja motivašuvdna virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihtuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi, vuolgá ohcci bargohárjáneamis ja gelbbolašvuođas

Virgáduvvot seniorráđđeaddin 1364, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiiva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohcat dasa?

Ohcan sáddejuvvo elektruvnnalaččat dás: Oza bargui, ja ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektruvnnalaš skovvái
• Oahppo- ja bargoduođaštusat galget biddjojuvvot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrain Tommy Somby
  Tel. +47 91 54 20 98 dahje e-poasta tommy.somby@samediggi.no
• Fágajođiheddjin Ane-Margit Eikjok Chalmers
  Tlf. +47 78 47 40 00 - ane-margit.eikjok.chalmers@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.

Sámedikki árvvut:

• Sámi vuohki 
• Rabasvuohta
• Ovttaráđálašvuohta 
• Verddevuohta 
• Oskkáldasvuohta 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Skábmamánu 30. beaivvi 2022

Oza bargui