Juhkosis maid don galggat jođihit, lea ovddasvástádus čuovvulit Giellaloktema, Sámedikki strategiija sámegielaid ovddideami váras. Dat sisttisdoallá bargguid dego Sámedikki gielladoarjagiid hálddašeami, sámegielaid nannema politihkkaovdánahttima ja ovttasbarggu guovddáš eiseválddiiguin. Dárkilet daddjon leat barggut earret eará čuovvulit doarjjavuostáiváldiid, sihke njuolggodoarjagiid ja ohcanvuđot doarjagiid vuostáiváldiid, doarjut politihkalaš jođiheami doaimmaid ovdánahttimis vai joksá politihkalaš mihtuid ja ovttasbargat ráđđehusain, ovdamearkka dihte giellasuorggi lágaid ja láhkaásahusaid rievdadeami birra.

Sámedikki hálddahus lea geahčadeame hálddahusa organiserema. Dat sáhttá dagahit ahte bohtet smávit rievdadusat juhkosa ovddasvástádussurggiin. Organiserema geahčadeapmi galgá leat válmmas 2024 álggus.

Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.

Don gii virgáibiddjot fertet vuordit mátkkoštit barggus.

Barggut

Juogusjođiheaddjivirggis galgá fágalaččat jođihit bargguid ja das lea ovddasvástádus čuovvulit juhkosa bargiid.

Dus fertejit leat olu bargonávccat ja fertet liikot dasa go leat olu barggut oktanis. Vurdojuvvo ahte máhtát mearriduvvon áigemeriid siskkobealde ja juhkkojuvvon resurssaiguin plánet ja čoavdit juhkosa bargguid politihkalaš diŋgojumiid ja ásahusa mihtuid mielde. Dus lea ovddasvástádus juhkosa obbalaš bargguid kvalitehtas ja válbmemis. Vurdojuvvo ahte máhtát organiseret, vuoruhit, juohkit ja čuovvulit bargguid. Don movttiidahtát iežat bargiid, leat buorre bagadalli bargiide ja duosttat mearridit. Vurdojuvvo maiddái ahte máhtát gaskkustit ja duohtan dahkat bajit dási mihtuid ja strategiijaid. Vurdojuvvo ahte máhtát bušeahta čuovvut bures.

Jođiheaddjibarggus min luhtte deaivvadat ja ovttasbarggat olu olbmuiguin iešguđetlágan rollain ja sajádagain, sihke siskkáldasat Sámedikkis ja olggobealde Sámedikki. Dát gáibida ahte liikot ja leat oadjebas gulahallat olbmuiguin ja hukset oktavuođaid.

Don galggat jođihit Sámedikki hálddahusa strategiijaplána mielde, ja aktiivvalaččat searvat ossodaga ollislaš jođiheapmái.

Virggi valdobarggut:

• Čuovvulit Sámedikki giellastrategiija, Giellaloktema

• Čuovvulit hálddašanguovllu suohkaniid

• Čuovvulit hálddašanguovllu fylkkasuohkaniid

• Čuovvulit sámi giellaguovddážiid

• Áššemeannudit 7 doarjjaortnega doarjjaohcamiid

• Čuovvulit láhkabargguid mat gusket giellavuoigatvuođaide

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Mii ohcat du:

• Geas lea masterdási dahje vástideaddji oahppu heivvolaš fágas, omd. jođihanfágas, servodatfágas dahje sámegielas. Jus dus lea unnimus bachelorgráda dahje sullasaš, ja unnimus 5 jagi guoskevaš bargohárjáneapmi mii gullá fágasuorgái sáhtát árvvoštallojuvvot virgái. Guhkes bargohárjáneapmi sáhttá buhttet vejolaš váilevaš formála oahpu. Muđui mii čujuhit stáhtavirggehaslága § 3:i – gealboprinsihppa

• Geas leat dáiddut movttiidahttit ja olahit mihtuid earáid bokte

• Geas leat dáiddut bargat čorgadit ja iešheanalaččat

• Geas leat buorit njálmmálaš ja čálalaš gulahallandáiddut sihke sámegillii ja dárogillii

• Gii dovddat sámi servodaga, politihka ja mearrádusproseassaid mat gusket sámegielaide

Dasa lassin lea buorre jus:

• Don dovddat lágaid mat guoskkahit sámi giellavuoigatvuođaid ja almmolaš hálddašeami
• Dus lea bargohárjáneapmi bargiid jođiheamis
• Don leat oadjebas jođiheaddjirollas ja duosttat mearridit
• Don leat čeahppi hukset buriid oktavuođaid sihke ásahusa siskkobealde ja olggobealde

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Min luhtte beasat bargat miellagiddevaš bargguid Sámedikki máŋggabealat birrasis. 

Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmáláš ja čálalaš sámegielgelbbolašvuođa ovdal go mii olahit mihttomeari.

Sámediggi čuovvu stáhta láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 20 proseanttain jahkái gitta 30 000 ru rádjai , sii ožžot maiddái sierra vearrogessosa. Nuvttá mánáidgárdesadji Finnmárkkus ja Davvi-Romssas borgemánu 1. b. 2023 rájes
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1211 juogushoavda, ltr 63/615 700 r.u - ltr 78/821 100 r.u jahkái, vuolgá ohcci bargohárjáneamis ja gelbbolašvuođas.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. 
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohcat dasa?

Ohcan sáddejuvvo elektronalaččat dán liŋkka bokte: Oza bargui. Ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Risten Turi Aleksandersen
  Tlf. +47 78 47 40 00 - risten.turi.aleksandersen@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut 

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Čakčamánu 15. beaivvi 2023