Juhkosa ovddasvástádus lea sámediggeválga, sámedikki jienastuslohku ja dievasčoahkkinjođihangotti, bearráigeahččanlávdegotti ja váiddalávdegotti ovddas áššemeannudeapmi ja buot arkiivaávdnasat olles Sámedikkis. Sámediggi atná dievaslaš elektronalaš áššiid/ arkiivavuogádaga ja juogus deattuha beavttálmahttit áššemeannudeami buot lađđasiin, digitaliserema ja automatiserema bokte

Bargobáikin sáhtát válljet Sámedikki kánturbáikkiid gaskkas, gos lea rabas kántorsadji.

Don gii virgáibiddjot fertet vuordit mátkkoštit barggus.

Barggut

Du deháleamos barggut leat sámediggeválgga oktavuođas, dievasčoahkkinjođihangotti, ráđi, Sámedikki nammaduvvon lávdegottiid ja nammagottiid ovddas áššemeannudit. Dasa lassin sáhttá virgi mielddisbuktit guorahallan- ja prošeaktabargguid juhkosa bargosuorggi siskkobealde. Virgái sáhttet maid biddjojuvvot eará barggut mat gullet Sámedikki doibmii.

Gelbbolašvuohta

Mii ohcat du geas lea oahppu allaskuvllas/universitehtas mii vástida masterdási, juridihkka/riektediehtaga siskkobealde. Relevánta bargohárjáneapmi deattuhuvvo. 
 
Don ovttasbarggat bures, don leat iešbirgejeaddji ja du daguin lea rabasvuohta ja luohttevašvuohta. Dasa lassin feret loaktit ráđđádallamiin, máhttit oktiiheivehit áššiid máŋggaid ovttasbargoguimmiiguin ja dus fertejit buorit čađahannávccat. 

Don berrešit dovdat politihkalaš proseassaid ja  návccat analyhtalaš bargui. Ja sihke struktuvrralaččat ja iešheanalaččat bargat.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Erenoamážit deattuhuvvo máhtolašvuohta sámi kultuvrra- ja servodatdili birra.

Sámegielmáhttu lea mearrideaddji ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai, sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi, vuolgá ohcci bargohárjáneamis ja gelbbolašvuođas.

Virgáduvvot seniorráđđeaddin 1364, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohcat dasa?

Ohcan sáddejuvvo elektruvnnalaččat dán liŋkka bokte: Oza bargui. Ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Ravdna Buljo Gaup
  Tlf. +47 78 47 40 00 - ravdna.buljo.gaup@samediggi.no
• Juogusjođiheddjiin Gunn-Astrid Nyborg Veimæl
  Tlf. +47 78 47 40 00 - gunn-astrid.nyborg.veimael@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.

Sámedikki árvvut:

• sámi vuohki
• rabasvuohta 
• ovttaráđálašvuohta
• verddevuohta
• oskkáldasvuohta 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Ođđajagemánu 13. beaivvi 202i