Sámedikki politihkalaš čállingottis leat dál 16 bargi guovtti juhkosis. Dát virgi gullá Dokumentašuvdna- ja parlameantahálddašanjuhkosii.
Juogus ovddasvástida
- Sámediggeválgga
- Sámedikki jienastuslogu ja áššemeannudeami dievasčoahkkinjođihangotti ovddas
- Bearráigeahččanlávdegotti
- Váiddalávdegotti
- Arkiivahuksema olles Sámedikkis
Sámediggi atná ášše-/arkiivavuogádaga mii lea ollásit elektrovnnalaš ja juogus deattuha áššemeannudeami beavttálmahttima buot lađđasiin, digitaliserema ja automatiserema bokte.
Kanturbáiki lea Kárášjogas.
Sámedikki bargit fertejit ráhkkanit veahá mátkkoštit barggu oktavuođas.
Barggut
Barggut leat iešguđetlágan bálvalusbarggut ja álkes áššemeannudanbarggut. Du barggut leat:
- Vuosttašlinjábálvalus
- Telefovdnaguovddáš
- Resepšuvdna ja vuostáiváldin
- Beaivválaš arkiivabarggut; nugo poastavuostáiváldin, skánnen ja sádden
- Journálii fievrridit poastta maid Sámediggi oažžu
- Álkes áššemeannudeapmi
Virgái sáhttet maid biddjot eará barggut mat gullet Sámedikki doibmii.
Gelbbolašvuohta
Mii ohcat du geas lea:
- Fágareive gávppálaš ja bálvalusdoaimmain
- dahje unnimusat 3 jagi joatkkaskuvlaoahppu ja unnimusat golbma jagi relevánta bargovásáhus.
- Fertet maid bures máhttit sámegiela ja dárogiela čálalaččat ja njálmmálaččat, ja berret maid máhttit eŋgelasgiela.
- Dus ferte maid leat buorre IKT-ipmárdus.
Dákkár persovnnalaš iešvuođat deattuhuvvojit
- Liikot bargat fárrolaga eará olbmuiguin
- Beroštit čađaheamis ja kvalitehtas
- Dáidu bargat iešheanalaččat ja ulbmillaččat
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Geabbil ja smáđáhkes
Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.
Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.
Mii fállat
Min luhtte beasat bargat miellagiddevaš bargguid Sámedikki máŋggabealat birrasis.
Šattat oassin doaimmas man leat ovdánahttimin, ja gos lea bargomokta ja buorre bargobiras. Mii leat rámis go min guhkesáiggi mihttomearri lea ahte sámegiella lea min váldogiella, ja mii bargat strategiijaiguin olahan dihte dan mihttomeari guhkit áiggi vuollái. Mis leat ollu bargit geat dárbbašit sihke njálmmáláš ja čálalaš sámegielgelbbolašvuođa ovdal go mii olahit mihttomeari.
Sámediggi čuovvu stáhta láhka- ja šiehtadusdoaimma.
Mii sáhttit earret eará fállat:
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1065 Konsuleantai, vuolgá ohcci bargohárjáneamis ja gelbbolašvuođas
- Bálkkás gessojuvvo 2 % Stáhta penšuvdnakássii.
Positiivva sierrameannudeapmi:
- Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
- Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
- Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.
Virgádeapmi dahkko gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
Ohcan
Orru go virgi miellagiddevaš ja háliidatgo ohcat dasa?
Ohcan sáddejuvvo elektrovnnalaččat dán liŋkka bokte: Oza bargui, ja mielde galget biddjojuvvot:
- Ohcanreive
- CV – oahppu ja bargovásihusat fertejit devdojuvvot elektronalaš skovvái
- Oahppo- ja bargoduođaštusat galget biddjot mielddusin
- Unnimusat guokte referánssa
Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
Oktavuohta
Eanet dieđuid virggi birra oaččut go válddát oktavuođa:
Ovttas nannet Sámi
"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut
- sámi vuoigŋa
- rabasvuohta
- ovttaráđálaččat
- searvvadeaddji
- luohtehahtti ja oskkáldas
Sámediggi bargá čuovvovaš mihtuiguin olahan dihte min višuvnna:
- Mis leat gelbbolaš ja áŋgiris mielbargit
- Min váldogiella lea sámegiella
- Min vuoruheamit ja dagut leat birgejumi vuođul
- Mii leat sámi servodatovddideami njunnošis
- Mii leat bivnnuhis bargosadji
Viiddiduvvon ohcanáigemearri
Geassemánu 21. beaivvi 2023