Eirik Larsen Sámediggi

– Mii leat bargan listtuid dohkkehemiin cuoŋománus ja miessemánus, ja buot listtat dávistit válgaláhkaásahussii, dadjá Sámedikki válgalávdegotti jođiheaddji, Eirik Larsen. Dán jagi sámediggeválggas leat 7 uhcit listtu go 2021 sámediggeválggain.

Larsen muitala ahte buot listtut dohkkehuvvojedje, muhto ahte válgalávdegoddi lea luvven muhtun listaevttohasaid ja ahte válganammagoddi danne lea dohkkehan rievdadusaid muhtin válgalisttain.

Larsen muitala viidáseappot ahte Sámedikki 2025 bušeahtas lea Sámedikki dievasčoahkkin mearridan 3,1 miljon ruvnnu doarjjan listtaide sámediggeválggas ja ahte doarjja válgalisttaide dál máksojuvvo buot dohkkehuvvon listtaide. Juohke lista oažžu máksojuvvot 60 784 ruvnno.

– Listadoarjja galgá sihkkarastit válgaoassálastinvejolašvuođa sidjiide geat ceggejit listtaid sámediggeválgii, loahpaha Eirik Larsen.

Listtat leat juhkkojuvvon ná válgabiiriid mielde:

Nuortaguovllu válgabiire: 8 listta 
Ávjovári válgabiire: 9 listta 
Davveguovllu válgabiire: 8 listta 
Gáiseguovllu válgabiire: 6 listta 
Viestarmera válggabijrra: 7 listta 
Åarjel-Saepmie veeljemegievlie: 6 listta 
Lulli-Norgga válgabiire: 7 listta 

Geahča dohkkehuvvon válgalisttaid

Loga eanet sámediggeválgga birra