Ealáhus- , kultuvra ja dearvvašvuođaossodaga jođiha ossodatdirektevra ja das leat guokte juhkosa maid guokte juogushoavdda jođihit. Juhkosis leat 10 mielbargi geain lea ovddasvástádus ovdánahttit ja čuovvulit Sámedikki politihka ráhkadan dihte bargosajiid ja sihkkarastit barggaheami ja ássama sámi guovlluin. Juhkosis lea ovddasvástádus hálddašit Sámedikki váikkuhangaskaomiid guovllus, ja ovddasvástádus initieret ja čađahit prošeavttaid ja prográmmaid ovdánahttin dihte ealáhuseallima.
Bargobáikin sáhtát válljet Sámedikki kánturbáikkiid gaskkas, gos lea rabas kántorsadji.
Álgin farggamusat ja nu go sohppojuvvo.
Barggut
Virggi deháleamos barggut leat čatnon Sámedikki boazodoallopolitihka ovddideapmái ja čuovvuleapmái ja Sámedikki dieđáhussii boazodoalu birra. Virggi guovddáš bargu lea doalahit oktavuođa ja gulahallama boazodoalloealáhusain, mii earret eará mielddisbuktá gulahallama ja proseassat regionála ja guovddáš aktevrraiguin ja eiseválddiiguin, ja váikkuhangaskaomiid áššemeannudeami.
Areála, plána ja vuoigatvuođaáššiid veardideapmi lea bargu mii maid sáhttá guoskat virgái. Virgái sáhttet maid biddjot barggut smávvaskálá ealáhusovdánahttimiin ja kultuvrii vuođđuduvvon mátkeealáhusain.
Virgái sáhttet maiddái biddjot eará barggut mat gullet Sámedikki doibmii .
Don gii virgáibiddjot fertet vuordit mátkedoaimmaid barggus.
Gelbbolašvuohta
Mii ohcat du geas lea oahppu allaskuvllas/ universitehtas mii vástida mastergráda boazodoalus, ekonomiijas, servodatplánemis, reálafágain ja/dahje juridihkalaš fágain. Jus dus lea unnimus bachelorgráda dahje sullasaš, ja unnimus 5 jagi guoskevaš bargohárjáneapmi mii gullá fágasuorgái sáhtát árvvoštallojuvvot virgái. Guhkes bargohárjáneapmi sáhttá buhttet vejolaš váilevaš formála oahpu .
Vásáhusat almmolaš hálddašeamis ja erenoamážit bargu boazodoallo- dahje ealáhusovdánahttimiin lea sávahahtti.
Máhttu sámi servodaga, ealáhusovdáneami ja erenoamážit boazodoalu birra deattuhuvvo erenoamážit.
Dákkár persovnnalaš iešvuođat deattuhuvvojit
- Dáidu bargat iešheanalaččat ja ulbmillaččat
- Buorit gulahallan- ja ovttasbargodáiddut
- Buorre njálmmálaš ja čálalaš ovdanbuktindáidu
- Geabbil ja smáđáhkes
Virgi eaktuda sámegiel njálmmálaš ja áinnas maid čálalaš gelbbolašvuođa.
Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Eavttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.
Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.
Mii fállat
Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.
Mii sáhttit earret eará fállat:
- Buriid loatna- ja ealáhatortnegiid Stáda penšuvdnakássas
- Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
- Máškidis bargoáigi ja eará buorit čálgoortnegat
- Vahkkosaččat sáhttá hárjehallat diimmu bargoáiggis
Bálká- ja bargoeavttut
Virgi bálkáhuvvo Stáhta regulatiivva mielde virgekodas 1434 ráđđeaddi, vuolgá ohcci bargohárjáneamis ja gelbbolašvuođas.
Virgáduvvot seniorráđđeaddin 1364, gáibiduvvo dábálaččat masterdási oahppu ja guhkit relevánta bargohárjáneapmi.
Bálkkás gessojuvvo 2 % Stáhta penšuvdnakássii.
Positiivva sierrameannudeapmi:
Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.
Virgádeapmi dahkko gustovaš lágaid, njuolggadusaid ja šiehtadusaid olis.
Virggis lea 6 mánu geahččalanáigi.
Ohcan
Ohcan sáddejuvvo elektronalaččat liŋka bokte «Oza bargui», ja mielde galget biddjojuvvot:
- Ohcanreive
- CV – oahppu ja bargovásihusat fertejit devdojuvvot elektronalaš skovvái
- Oahppo- ja bargoduođaštusat galget biddjojuvvot mielddusin
- Unnimusat guokte referánssa
Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.
Oktavuohta
Eanet dieđuid virggi birra oaččut go válddát oktavuođa:
Ovttas nannet Sámi
"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut
- Sámi vuohki
- Rabasvuohta
- Ovttaráđálašvuohta
- Verddevuohta
- Oskkáldasvuohta
Sámediggi bargá čuovvovaš mihtuiguin olahan dihte min višuvnna:
- Mis leat gelbbolaš ja áŋgiris mielbargit
- Min váldogiella lea sámegiella
- Min vuoruheamit ja dagut leat birgejumi vuođul
- Mii leat sámi servodatovddideami njunnošis
- Mii leat bivnnuhis bargosadji
Oza bargui
Ohcanáigemearri
Golggotmánu 31. b. 2022