Sámedikkis leat máŋga kánturbáikki maid gaskkas sáhtát válljet, ja bargobáikin sáhtát válljet doppe gos lea rabas kántorsadji.

Don gii virgáibiddjot fertet vuordit mátkkoštit barggus.

Barggut

Virggi váldobarggut gusket Sámedikki dearvvašvuođapolitihka ovdánahttimii, hálddašeapmái ja čuovvoleapmái. Galggat earret eará čuovvulit ja viidásetovdánahttit sámi álbmoga dearvvašvuođabálvalusaid, gulahallat ja bargat báikkálaš, guovllu ja guovddáš aktevrraiguin ja eiseválddiiguin, ja maiddái sámi fágabirrasiiguin ja geavaheaddjiorganisašuvnnaiguin.

Dus lea ovddasvástádus čuovvulit bargodokumeanttaid mat gusket spesiáladearvvasvuođabálvalussii, ja maiddái meannudit doarjagiid ja čuovvulit earret eará nationála áŋgiruššamiid ja bargoplánaid. Du lunddolaš ovttasbargobealit leat min guovllu dearvvašvuođafitnodagat, Dearvvašvuođadirektoráhtta ja departemeanttat.

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Virgái háliidit du geas lea masteroahppu dearvvašvuođa-, mánáidsuodjalus- dahje eará relevánta servodatfágas. Kandidáhtat main unnimusat bacheloroahppu dahje vástideaddji oahppu, ja unnimusat 5 jagi relevánta bargohárjáneapmi fágasuorggis, árvvoštallojuvvojit. Muđui čujuhit statsansattelovens § 3 – kvalifikasjonsprinsippet.

Jus dus lea hárjáneapmi almmolaš hálddašeamis, de áinnas háliidit dan, ja maiddái hárjáneami dearvvašvuođapolitihkas ja dearvvašvuođasuorggi hálddašeamis. Deattuhit maiddái čálalaš ja njálmmálaš sámegielmáhtu.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Gelbbolašvuohta sámi servodatdiliin deattuhuvvo erenoamážit. Sámegielmáhttu lea mearrideaddji mávssolaš ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 Ráđđeaddi, vuolgá ohcci bargohárjáneamis ja gelbbolašvuođas

Virgáduvvot 1364 Seniorráđđeaddin , gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohccát dasa?

Ohcan sáddejuvvo elektrovnnalaččat dán liŋkka bokte: Oza bargui, ja mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Magne Svineng
  Tlf. +47 78 47 40 00 - magne.svineng@samediggi.no
• Juogusjođiheddjiin Lisbeth Vesterheim Skoglund
  Tlf. +47 78 47 40 00 - lisbeth.vesterheim.skoglund@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.
Sámedikki árvvut 

• sámi vuoigŋa 
• rabasvuohta 
• ovttaráđálaččat 
• searvvadeaddji 
• luohtehahtti ja oskkáldas 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Njukčamánu 24. beaivvi 2023