Ossodagas leat golbma juhkosa maid juogushoavddat jođihit. Virgi lea biddjojuvvon kulttormuitojuhkosii. Juhkosis leat logi bargi oktan juogusjođiheddjiin.

Virggi kánturbáikin lea vuosttažettiin Snoasas.

Don gii virgáibiddjot fertet ráhkkanit dasa ahte lea veahá mátkkošteapmi barggu oktavuođas.

Barggut

Dokumenteret ja hálddašit sámi kulturmuittuid ja áššemeannudit iešguđetlágan plána- ja areálaáššiid ja fágalaš ráđđeaddin politihkalaš dásis Sámedikkis. Báikkiid diđoštallan, deaivvadeamit sámi dieđiheddjiiguin ja báikegottiiguin lea lunddolaš oassi virggi geatnegasvuođas. Seamma lea ráđđeaddimiin suohkaniidda, gustovaš institušuvnnaide ja priváhtaolbmuide. Bargui gullá maid ovttasbargu eará ossodaga juhkosiin, huksensuodjaleami ja areála, ja eará guoskevaš ossodagain Sámedikki hálddahusas.

Bargoguovlu lea Nordlándda lulit guovllut, Helgelánda, Trøndelága ja oasit Hedemárkkus ja Møre ja Romsdalas

Virgái sáhttet maid biddjot eará barggut mat gullet Sámedikki doibmii.

Gelbbolašvuohta

Mii ohcat du geas lea relevánta alit oahppu , master- / váldofágadásis arkeologiijas dahje kulturmuitosuodjaleamis.  Dus ferte gelbbolašvuohta ja máhttu mearrádusaid birra kulturmuitolágas ja plána- ja huksenlágas. Lea ovdamunni jus dus lea buorre máhtolašvuohta ja guoskevaš bargohárjáneapmi sámi kulturmuito- ja kulturmuitosuodjaleami barggus.  Jus dus lea unnimus bachelorgráda, sáhtát árvvoštallot virgái jus dus lea unnimus 5 jagi guoskevaš bargohárjáneapmi.

Máhtát go atnit digitála gieddereaidduid (GIS/GPS/CPOS) ja nationála diehtovuođu Askeladden de lea dat sávahahtti.  Dus berre máhttu lullisámi kulturhistorjjá birra ja vásihusat arkeologalaš gieddebarggus. Lea stuora ovdamunni jus dus lea bargohárjáneapmi almmolaš hálddašeamis ja áššemeannudeamis.

Biilavuodjenkoarta B klássa, gáibiduvvo.

Dákkár persovnnalaš iešvuođat deattuhuvvojit

• Dáidu bargat iešheanalaččat ja ulbmillaččat
• Buorit gulahallan- ja ovttasbargodáiddut
• Buorre njálmmálaš ja čálalaš ovdanbuktindáidu
• Geabbil ja smáđáhkes

Erenoamážit deattuhuvvo máhtolašvuohta sámi kultuvra- ja servodatdili birra. Sámegielmáhttu lea mearrideaddji ohcciide geain muđui lea ovttalágan gelbbolašvuohta. Evttohasat geat eai hálddaš sámegiela, leat geatnegahtton čađahit SÁÁL 1 ja 2 eksámena guovtti jagi sisa maŋŋel virgádeami. Dát vástida jahkebealovttadahkii, maid bargoaddi máksá.

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja motivašuvdna virgái.

Mii fállat

Mis lea buorre bargobiras ja ovttasbargat guhtet guimmiideamet sihke iežamet ossodagas ja ossodagaid rastá. Mii rahčat leahkit geabbilat, innovatiiva ja digitálalaččat olahan dihte mihttuideamet. Sámediggi čuovvu stáhtalaš láhka- ja šiehtadusdoaimma.

Mii sáhttit earret eará fállat:

• Buriid loatna- ja ealáhatortnegiid Stáda penšuvdnakássas
• Buohkain geat ásset guovlluin mat ovdal gulle Finnmárkui ja Davvi-Romsii lea vejolašvuohta oažžut oaniduvvot oahppoloana Stáhta loatnakássas 10 proseanttain jahkái gitta 25 000 ru rádjai , sii ožžot maiddái sierra vearrogessosa
• Máškidis bargoáigi ja eará buorit čálgoortnegat
• Vahkkosaččat sáhttá hárjehallat diimmu bargoáiggis

• Gelbbolašvuođaloktema sámegielas ja kulturipmárdusas

Bálká- ja bargoeavttut

Virgi bálkáhuvvo Stáhta regulatiivva mielde virgekodas 1434 ráđđeaddi, vuolgá ohcci bargohárjáneamis ja gelbbolašvuođas

Virgáduvvot 1364 seniorráđđeaddin, gáibiduvvo dábálaččat masterdási oahppu ja guhkit relevánta bargohárjáneapmi.

• Bálkkás gessojuvvo 2 % Stáhta penšuvdnakássii.

Positiivva sierrameannudeapmi:

• Min mielas lea searvadahttin ja eatnatgeardáivuohta fápmu. Mii háliidit mielbargiid iešguđetlágan gelbbolašvuođain, fágaovttastagain, eallinvásáhusain ja perspektiivvain vai vel buoret nákcet čoavdit bargguid. Mii láhčit dili mielbargiide geat dárbbašit heiveheami. Guoskevaš láhčimat sáhttet ovdamearkka dihte leahkit teknihkalaš veahkeneavvut, viessogálvvuid heiveheapmi dahje bargovugiid earáhuhttin.
• Sámediggi ávžžuha gelbbolaš evttohasaid ohcat, vaikke makkár agis, sohkabealis, našuvnnas dahje etnalaš duogážis, doaimmashehttejuvvon dahje váilevaš CV.
• Sámediggi lea IA-doaimmahat Čáhkkilis bargodili , dg . Inkluderende Arbeidsliv (IA) , ja deattuha bargodiliid láhčima juohke bargái.

Virgádeapmi dahkko gustovaš lágaid, njuolggadusaid ja šiehtadusaid olis.

Virggis lea 6 mánu geahččalanáigi.

Ohcan

Orru go virgi miellagiddevaš ja háliidatgo ohccát dasa?

Ohcan sáddejuvvo elektruvnnnalaččat dán liŋkka bokte: Oza bargui. Ohcamuša mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektronalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Oktavuohta

Eanet dieđuid virggi birra oaččut go válddát oktavuođa:

• Ossodatdirektevrrain Sten Olav Heahtta
  Tlf. +47 78 47 40 00 - sten.olav.heahtta@samediggi.no
• Juogusjođiheddjiin Elin Rose Myrvoll
  Tlf. +47 78 47 40 00 - elin.rose.myrvoll@samediggi.no

Ovttas nannet Sámi

"Ovttas nannet Sámi" lea Sámedikki bargguid višuvdna bargiide. Sámedikki deháleamos bargu lea ahte Sámedikki politihka ja hálddašeami bokte seailluhit sámi giela, kultuvrra ja servodateallima.

Sámedikki árvvut:

• sámi vuohki
• rabasvuohta 
• ovttaráđálašvuohta
• verddevuohta
• oskkáldasvuohta 

Sámediggi bargá čuovvovaš mihtuiguin olahan dihte min višuvnna:

• Mis leat gelbbolaš ja áŋgiris mielbargit
• Min váldogiella lea sámegiella
• Min vuoruheamit ja dagut leat birgejumi vuođul
• Mii leat sámi servodatovddideami njunnošis
• Mii leat bivnnuhis bargosadji

Ohcanáigemearri

Ođđajagemánu 22. beaivvi 2023