Stába mihttu lea sihkkarastit ovttastahtti, oktiiheivehuvvon ja ulbmilaččat doaimmahuvvon Sámedikki. Virgi lea čadnojuvvon strategiijaovddideami bargui. Ráđđeaddi/seniorráđđeaddi galgá doarjut jođihanjoavkku Sámedikki ollislaš doaibmastivremis.

Strategiijaid hábmen galgá veahkkin Sámediggái buriin vuoruhemiin servodatdoaimma barggu oktavuođas ja bajimuš mihttuid juksamiin. Bargui gullá plánet sihke jagi ovddasguvlui ja máŋga jagi ovddasguvlui

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Aarbortes, Skániin, Snoasas, Romssas ja Ájluovttas.

Sámedikki bargit fertejit rehkenastit veahá mátkkoštit.

Barggut

Ráđđeaddin/seniorráđđeaddin Doaibmastivrema ja servodatoktavuođa stábas leat dus čuovvovaš barggut: 

• Ráhkadit strategiijaid, omd. doaibmastrategiija, digitaliserenstrategiija ja gelbbolašvuođaovdánahttinstrategiija.
• Ovttasbargat eará ossodagain/juhkosiin, erenoamážit guorahallamiid ráhkadeames áššáiguoskevaš strategiijabarggus.
• Oasálastit bušeahttaproseassain ja čuovvolit stivrenmihttuid.
• Doaimmahit guhkesáiggeguorahallamiid ja ráhkkanemiid doarjut strategalaš stivrema.
• Veahkehit fágaidrasttildeaddji oktiiheivehemii, politihkalaš ovdánahttimii ja stivrenparamehteriid ovdánahttimii.

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virggi Karrieresiiddus