Juogus čuovvula sámi mánáid oahpahusa vuođđoskuvllas ja joatkkaskuvllas. Mii áimmahuššat sámegiela, sámi servodateallima, historjjá ja árbevieruid mat gullet vuođđooahpahussii. Juhkosis lea maiddái ovddasvástádus čuovvulit politihkalaš mearrádusaid mat gullet fágasuorgái, ja bargá oažžut sámi perspektiivva láhkamearrádusaide ja eará stivrendokumeanttaide.

Sámedikkis leat olu kántorbáikkit maid gaskkas sáhtát válljet, ja don sáhtát bargat kántorbáikkis gos leat guoros kántorlanjat. Juste dál leat mis guoros kántorlanjat Kárášjogas, Guovdageainnus, Vuonnabađas, Olmmáivákkis, Aarbortes, Skániin, Snoasas, Romssas ja Ájluovttas. Sámedikki bargit fertejit rehkenastit veahá mátkkoštit.

Barggut

Vuođđooahpahusjuhkosis bargat mii máŋggabealálaš ja miellagiddevaš bargguid ovttas.
  
Du barggut sáhttet earret eará leat:

• Áššemeannudeapmi
• Árvvoštallat oahpponeavvoohcamiid fágalaš sisdoalu
• Politihkkaovddideapmi, čađahit ja čuovvulit Sámedikki barggu áššesuorggis 

Du bargobeaivi hábmejuvvo dárbbuid mielde ja du gelbbolašvuođa mielde. Fertet rehkenastit ahte virggi ja juhkosa barggut ja ovddasvástádussuorggit rivdet ásahusa dárbbuid mielde.

Loga eanet virggi birra ja oza virggi Karrieresiiddus