Barggut

• Váldoovddasvástádus ovttadaga gulahallan- ja profilerenbargguide sihke siskkáldasat ja olggos guvlui
• Ovddasvástádus Sámi Giellagáldu digitála kanálaid sisdoallostrategiija revideremii ja čuovvoleapmái
• Doaibmat guovddáš sisdoallohálddašeaddjin ovttadaga intraneahtas, neahttasiiddus ja sosiála mediain
• Koordineret ja bagadallat beaivválaš neahttabargguid
• Ovddasvástádus hábmet ođđa designmanuála ovttadahkii
• Vuogádatovddasvástádus áššemeannudan- ja arkiivavuogádagas
• Geavahit digitála kanálaid ovddidit, seailluhit, nannet ja lasihit sámegielaid geavaheami ja maiddái dahkat Sámi Giellagáldu eanet dovddusin.
• Neahtta suorggi lágideddjiid čuovvoleapmi digitála liseanssaid oktavuođas (Lovdata, riektedata, Juridika jna.)
• Hálddašit beassanlobiid
• Oassálastit iešguđetlágan prošeakta- ja ovddidanbargguide

Virgái sáhttet biddjot maiddái eará barggut mat gullet Sámi Giellagáldu doibmii.
Virgái gullá mátkkošteapmi.

Gelbbolašvuođagáibádusat

• Oahppu masterdásis muhtin fágasuorggis mii lea relevánta virgái. Mastergáibádusas sáhttá spiehkastit jus lea bacheloroahppu ja relevánta bargohárjánupmi sullasaš bargguin
• Relevánta gulahallanfágalaš bargovásáhus, áinnas almmolaš ásahusain
• Ohccis ferte leat čálalaš ja njálmmálaš gelbbolašvuohta sámegielas. Dasa lassin ferte son guhte virgáduvvo, hálddašit ovtta skandinávalaš gielain. Lea ovdamunni jus ohcci máhttá eanet sámegielaid dahje suomagiela.
   

Muđui deattuhuvvo:

• Dus lea buorre hárjáneapmi teakstačállimii, govaiguin bargat, videoin, redigeremiiguin ja vásáhus ulbmillaš gulahallamis neahtas ja sosiála mediain.
• Dus leat maid buorit gaskkustanattáldagat ja leat iešheanalaš ja struktuvrralaš iežat ámmátdoaimmaheamis.
• Don fertet leat duostil ja veahá oaván, duostat coggat njuni oidnosii ja váldit saji doppe gos dat lea lunddolaš.
•  Don fertet maid liikot bargat hušas bargobirrasis mas bargguid ferte čoavdit jođánit ja beaktilit.
• Máhttu sámi servodagaid ja kultuvrraid birra
• Máhttu sámegielaid birra Norggas, Suomas ja Ruoŧas
• Giella lea du váibmoášši

Gelbbolašvuođa árvvoštaladettiin deattuhuvvo oahpahus, bargoduogáš, persovnnalaš heiven ja bargomiella virgái.

Mii fállat

• Buori fágabirrasa
• Buori bargobirrasa ja ovdánanvejolašvuođaid
• Heivehahtti bargoáiggi ja buori čálgoortnegiid
• Lášmmohallanvejolašvuođa bargoáiggis
• Buriid loatna- ja penšunortnegiid Stáhta penšunkássas.

Bálká- ja bargoeavttut

Virgi bálkáhuvvo Norgga Stáhta regulatiivva mielde, virgekoda 1434 ráđđeaddi (bálkádássi 466 600 gitta 720 100 rádjái) dahje 1364 seniorráđđeaddi (bálkádássi 584 500 gitta 821 100 rádjái), vásáhusa ja gelbbolašvuođa vuođul.

Sámi Giellagáldu bargiin lea formálalaš oktavuohta Norgga beale Sámediggái eamiásahussan. Dat mielddisbuktá ahte bargoeavttut mat gusket Sámedikki- ja eará stáhtabargiide Norggas gusket maiddái Sámi Giellagáldu bargiide beroškeahttá guđe riikkas bargi orru ja bargá.
Oadjoortnetgullevašvuohta sidjiide geat eai oro ja bargga Norggas, sáhttá mielddisbuktit ahte vearro- penšuvdna- ja oadjoortnegiidda guoski áššit fertejit čovdojuvvot eará láhkái. Kántorbáikki sáhttá šiehtadit.

Sámi Giellagáldu háliida speadjalastit álbmoga girjáivuođa ja váldit vuhtii ovttaskas olbmo ollislaš gelbbolašvuođa. Mii ávžžuhat dohkálaš kandidáhtaid ohcat, beroškeahttá doaibmanávccain, agis, sohkabealis, etnisitehtas, oskkus ja seksuála sojus.

Sámi Giellagáldu deattuha bargodiliid láhčima olbmuide geain lea hedjonan doaibmanákca.

Muđui virgáduvvojit bargit gustovaš lágaid, njuolggadusaid ja soahpamušaid mielde. Dát guoská maiddái bálkái ja ealáhahkii, ja guđa mánu geahččalanáigái.

Ohcan ja oktavuohta

Orru go virgi miellagiddevaš ja háliidatgo ohcat dasa?
Ohcan sáddejuvvo elektrovnnalaččat liŋkka bokte «Oza bargui», ja mielde galget biddjojuvvot:

• Ohcanreive
• CV – oahppu ja bargovásihusat fertejit devdojuvvot elektrovnnnalaš skovvái
• Oahppo- ja bargoduođaštusat galget biddjot mielddusin
• Unnimusat guokte referánssa

Almmolašlága §25 mielde sáhttá almmuhit dieđuid ohcci birra vaikko ohcci lea bivdán ahte ii biddjojuvvo ohcciidlistii.

Eanet dieđuid virggi birra oaččut go válddát oktavuođa:

Direktevra Mika Saijets
Tlf. +47 78 47 41 48 / +47 902 01 138
E-boasta: mika.saijets@giellagaldu.org

HR - Seniorráđđeaddi Sonja Nordsletta
Tlf. +47 78 47 40 37 / +47 97 00 11 19
E-boasta: sonja.nordsletta@giellagaldu.org

Sámi Giellagáldu birra

Sámi Giellagáldu lea Suoma, Norgga ja Ruoŧa beale sámedikkiid oktasaš davviriikalaš fágaorgána sámi giellaáššiin. Sámi Giellagáldu ulbmilin lea gáhttet, seailluhit ja ovddidit dan kulturárbbi maid sámegielat ovddastit. Sámi

Giellagáldu galgá doaibmat golmma riikkas: Norggas, Ruoŧas ja Suomas, ja bargat sámegielaid normeremiin riikarájiid rastá. Formálalaččat lea Sámi Giellagáldu čadnon Norgga Sámediggái.

Sámi Giellagáldu hálddahus lea ođđaásaheapmi man direktevra jođiha, ja das leat 12 jahkevirggi. Sámi Giellagáldu váldokantuvra lea Kárášjogas Norggas.

Ohcanáigemearri

24.10.2023