Loga Sámi logut muitalit 17 (PDF, 6 MB)

Sámi logut muitalit 17/Samiske tall forteller 17

Dán jagáš almmuhusas lea erenoamáš áigeguovdilis ja servodatkritihkalaš fáddá, namalassii Duohtavuođa- ja soabahankommišuvnna bargu ja raporta. Dat čájeha movt gažaldagat máŋggabealatvuođa ja fámu birra meannuduvvojit, movt mediat váikkuhit almmolašvuođa, gii lea juogadan iežas persovnnalaš muitalusaid, movt majoritehtaálbmot ádde dáruiduhttima ja soabaheami, ja makkár dilis sámegieloahpaheaddjit leat skuvllas, maid čuvvot ođasmahttojuvvon statistihkalaš čoavddalogut.

Kommišuvnna raporta mii bođii 2023:s lea historjjálaš dokumeanta mii kárte dáruiduhttinpolitihka váikkuhusaid ja bidjá vuođu soabadeapmái gaskal sápmelaččaid, kvenaid/norggasuopmelaččaid, vuovdesuopmelaččaid ja majoritehtaálbmoga.

Loga kommišuvnna raportta: Rapport til Stortinget fra Sannhets- og forsoningskommisjonen

Maren Benedicte Nystad Storslett

– Statistihkka ja máhttu lea dehálaš servodatovdáneapmái ja politihkkii. Sámi logut muitalit addet midjiide deaŧalaš dieđuid sámi servodaga birra. Dán jagi almmuheamis leat deaŧalaš fáttát čadnon Duohtavuođa- ja soabahankommišuvnna raportii. Dáruiduhttima váikkuhusat ellet ain ollu struktuvrrain. Mii dárbbašit statistihka ja dutkama vuođđun vai sáhttit dahkat dárbbašlaš rievdadusaid mat sáhttet váikkuhit soabaheapmái, dajdá sámediggeráđđi Maren Benedicte Nystad Storslett (NSR).

Sámi allaskuvla doaibmá Sámi statistihka fágalaš analysajoavkku čállingoddin, mii lea raportaráiddu Sámi logut muitalit barggu duogábealde. Sámi allaskuvla veahkeha sihke fágalaš oktiiordnemiin ja dutkanvuđot sisdoaluin, ja das lea guovddáš rolla kvalitehta ja áššáigullevašvuođa sihkkarastimis publikašuvnnas.

Almmuhanseminára sáddejuvvui njuolga Sámedikki neahtta-TV:s. Geahča báddejuvvon seminára dás

Seminára fálai viiddis prográmma mas ledje sihke fágalaš ja persovnnalaš perspektiivvat: 

• Álggahus, sámediggeráđđi Maren Benedicte Nystad Storslett
• Sámi statistihkka fágalaš analysajoavku (FASS), Inger Marie Gaup Eira, Sámi statistihka fágalaš analysajoavkku jođiheaddji 
• Fra kunnskapsmangel til paternalisme? Mangfold som mål og middel i Sannhets- og forsoningskommisjonens rapport, Torkel Brekke
• Mediedekningen av Stortingets behandling av Sannhets- og forsoningskommisjonens rapport, Eli Skogerbø (UiO), Gabriella Tjelta Hansen (UiO)
• Sannhets- og forsoningskommisjonens personlige historier. Hvem deltok, og hva fortalte de? Professor Torkel Rasmussen, Sámi allaskuvla
• De som berøres må høres – hvem er samisklærerne i grunnskolen? Professor emeritus Kamil Øzerk ja professor Hege Merete Somby, Sámi allaskuvla
• Samiske tall – bakgrunn for samisk statistikk og kommentarer til faste tabeller fra statistisk sentralbyrå (SSB), Christian Sørlien Molstad, SSB
• Jearaldagat ja kommentárat guldaleddjiin

Eanet dieđut Sámi logut muitalit birra: https://samilogutmuitalit.no/se